17 Dekabr 2018 13:50
929
Elm və texnika
A- A+

BP şirkəti Bakı Ali Neft Məktəbinin yaxın tərəfdaşıdır


Bakı Ali Neft Məktəbinin (BANM) rektoru Elmar Qasımov BP-nin planlaşdırma və kommersiya əməliyyatları üzrə vitse-prezidenti Niall Henderson ilə görüşüb. Görüşdə BP şirkətinin xarici işlər üzrə meneceri Günəş Əliyeva və BANM-in məsul əməkdaşları iştirak ediblər.

BANM-dən AZƏRTAC-a bildirib ki, görüşdə E.Qasımov BP-nin ali məktəbin ən yaxın tərəfdaşı olduğunu deyib. Azərbaycanın neft-qaz sənayesində gedən milliləşdirmə proqramında BP-nin xüsusi rolu olduğunu qeyd edən rektor bildirib ki, BANM-in artıq 11 məzunu bu şirkətdə çalışır. E.Qasımov BANM-in Böyük Britaniyanın Heriot-Vatt Universiteti ilə yaxından əməkdaşlıq etdiyini vurğulayıb. O, ali məktəbdə Heriot-Vatt Universitetinin tədris proqramlarının istifadə olunduğunu vurğulayıb.

N.Henderson BP şirkətinin sosial layihələrə, xüsusilə təhsil sektorunun inkişafına və biliyin paylaşılması istiqamətində işlərə böyük önəm verdiyini bildirib.

Görüş zamanı rektor N.Hendersonu BANM-in tələbələrinə ustad dərsi keçməyə dəvət edib.

Rektorun dəvətini böyük məmnuniyyətlə qarşılayan vitse-prezident öz təcrübələrini, biliyini və karyera uğurlarını tələbələrlə paylaşmaqdan böyük zövq alacağını bildirib. Vitse-prezident, həmçinin bildirib ki, BP şirkəti əməkdaşlarına rəqəmsal texnologiya, süni intellekt və hər gün inkişaf edən dünyaya adaptasiya ilə bağlı təlimlər keçir və o, belə təlimləri BANM-in tələbələri üçün təşkil edə bilər.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video