40 ilin müəssisəsi
Bakı Dərin Özüllər Zavodu düz 40 il əvvəl yaradılıb. Müəssisənin harada işə düşməsi məsələsi ciddi mübahisələrlə qarşılandı. Bu məsələ İttifaq səviyyəsində müzakirə olunurdu. Onda neft-qaz ölkələrinin belə bir müəssisəyə böyük ehtiyacları vardı.
Mübahisələrin ciddiləşməsi məsələyə ulu öndər Heydər Əliyevin müdaxiləsi ilə son qoyuldu. Daha doğrusu, ulu öndərin nüfuzu, mövqeyi hər şeyə aydınlıq gətirdi. Beləliklə, Bakı Dərin Özüllər Zavodunun tikintisi üçün məkan Azərbaycan seçildi. Sonralar bu zavodun fəaliyyətini, xeyrini yüksək dəyərləndirən ulu öndər yazırdı: "Bu zavod indi, yəni biz xarici neft şirkətləri ilə birlikdə işləyərək yeni neft strategiyasını həyata keçirdiyimiz zaman, dənizin dərinliklərində böyük qurğular, platformalar tikdiyimiz zaman sovet dövründə olduğundan qat-qat faydalıdır”.
Hadisələrin sonrakı gedişi bir daha sübut etdi ki, bu müəssisə "Əsrin müqaviləsi”nin uğurla həyata keçirilməsində də böyük rol oynayıb. Azərbaycanın yeni neft strategiyasını irəli sürərkən ulu öndər bu zavodun iqtisadi gücündən qədərincə istifadə olunmasını qarşıya məqsəd qoydu. Heydər Əliyev böyük uzaqgörənliklə yeni neft strategiyasının mahiyyətini irəli sürdü, Xəzər dənizində beynəlxalq əməkdaşlığın əsasını yaratdı. Əgər Heydər Əliyev Azərbaycana rəhbərlik etdiyi birinci dövrdə Dərin Özüllər Zavodu tikilməsəydi, "Əsrin müqaviləsi”nin icrası çox yubana bilərdi. Tarixdə ilk dəfə olaraq belə böyük, nəhəng investisiya qoyuluşunu tələb edən müəssisə yaradıldı. "Əsrin müqaviləsi” Azərbaycanın dünyanın öncül neft ölkəsi olmaq şöhrətini bərpa etdi. Bu gün Xəzərdə neft kəşfiyyatı aparılması, yeni texnologiyaların tətbiqi üçün geniş imkanlar yaradılıb. Xarici şirkətlərdən asılılıq dəfələrlə azalıb. Hesablamalara görə, Azərbaycanın neft ehtiyatları bundan sonra ən azı 100 ilə kifayət edəcək. Ölkənin zəngin neft ehtiyatları Azərbaycanın beynəlxalq nüfuzunun yüksəlməsinə, onun mövqeyinin daha da möhkəmlənməsinə şərait yaratdı. Bütün bu işlərdə Bakı Dərin Özüllər zavodunun müstəsna əhəmiyyəti var. Azərbaycan Prezidenti İlham Əliyevin dediyi kimi: "Əgər bu zavod vaxtında ölkəmizdə tikilməsəydi, bəlkə də həyata keçirdiyimiz neft layihələri belə uğurla başa çatmazdı”.
Hələ o illərdə, yəni Bakı Dərin Özüllər Zavodunun tikintisi başlayanda ulu öndər vaxtaşırı həmin müəssisədə olur, faydalı məsləhətlərini verirdi. Həmin illəri xatırlayanlar o dövrdə görülən işlərdən çox şeylər danışırlar.
Allahyar Tağıyev:
- Az qala müəssisə istehsala başlayandan burada çalışıram. Ulu öndər Heydər Əliyevin zavoda gəlişini yaxşı xatırlayıram. Bizim hər birimizlə səmimi görüşür, dəyərli məsləhətlər verirdi. Bu zavodun perspektivini, gələcək uğurlarını yüksək qiymətləndirirdi. O illərdə ixtisaslı mütəxəssislər hazırlamaq üçün çox iş görülürdü. Xarici neft şirkətləri ilə əlaqə yaradırdıq, hətta həmin ölkələrdə təcrübəni artırmaq üçün şərait yaradılırdı. Ulu öndər deyirdi ki, yerli mütəxəssislərin gücündən, imkanından nə qədər çox faydalansaq, bir o qədər uğurlu olar. O, kadrlara qayğını ön plana çəkirdi. Neftçi mütəxəssislərin hazırlanmasına ciddi diqqət yetirirdi. Bütün bunlar ümumi işimizə xeyir verirdi. Yaxşı xatırlayıram ki, ən azı ulu öndər ildə bir-iki dəfə bu müəssisəyə baş çəkirdi. Qafqazın ən böyük sənaye nəhənglərindən olan Bakı Dərin Özüllər Zavodu bir neçə ildən sonra uğurlu inkişaf yoluna qədəm qoydu. Xarici şirkətlərlə əlaqələrimiz xeyli genişləndi. Elə bu uğurlu başlanğıc müəssisənin gələcək inkişafına da kömək etdi. Düz 40 ildir ki, uğurlu bir yol üstəyik. Elə bilirəm ki, ulu öndərin xeyir-duası ilə başlayan uğurlarımız daha da artacaq.
Namiq Xəlilov:
- 57 yaşım var. Ömrümün çoxunu bu müəssisədə keçirmişəm. Ulu öndərlə görüşümüzü isə maraqlı tarix, unudulmaz xatirə sayıram. Dəyərli məsləhətlər verirdi. Zavodumuzun eyni təmayüllü müəssisələrlə əlaqələrini daha da genişləndirmək üçün yollar axtarırdı. Xəzərdə neft kəşfiyyatını daha da artırmaq üçün yeni texnologiyaların tətbiqinə başladıq. Biz bu gün də müəssisənin uğurlu inkişafında ulu öndərin əməyini hiss edirik. Onun uzaqgörən siyasəti bizim potensial imkanlarımızı bir daha artırır, ən çətin anlarda köməyimizə çatır. Xəzərin Azərbaycan sektorunda yataqların hasil olunması, neftin dünya bazarına ixracı uğurla davam edir. Bütün bunlar yeni münasibətlərin qurulmasına kömək edir, ölkəmizin beynəlxalq arenada nüfuzunun artmasına zəmin yaradır. Biz inanırıq ki, uğurlu siyasət hələ uzun illər layiqincə davam edəcək.
Bakı Dərin Özüllər Zavodunda bir ənənə də yaşayır. Kadrlara münasibət, onların düzgün yerləşdirilməsi başlıca şərtlərdən biridir. Zavodun direktoru Roman Nağıyev deyir ki, mən özüm də bu müəssisənin yetirməsiyəm. Hələ bir vaxtlar bizim Rusiyanın ən böyük mərkəzlərində təhsil almamıza şərait yaradan ulu öndər kadrların gələcəyinə çox inanırdı. Elə mən özüm də o illərdə ulu öndərin zəmanəti ilə Rusiyada təhsil aldım. Neft mütəxəssisi kimi yenidən Azərbaycana qayıtdım. Bir müddət müxtəlif sahələrdə, neft sənayesinin tərəqqisində gücümü sınadım. Ən nəhayət, bu gün fəxr edirəm ki, ulu öndərin adını daşıyan Bakı Dərin Özüllər Zavodunun rəhbəriyəm. Biz çox iş görürük. Xarici şirkətlərlə əlaqələrimiz yeni mərhələdə davam edir. Çalışırıq ki, tərəf-müqabillərimizlə işgüzar münasibətlər yaradaq, zavodun uğurlarını daha da artıraq. Bunun üçün hər cür imkan və şərait var. Gərək potensial imkanlarımızı səfərbər edək, nəhəng müəssisəni əsl işlək gücünə çatdıraq.
Bəşir ŞƏRİFLİ,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Yaxın qonşu, sınanmış dost, etibarlı tərəfdaş
19 Mart
NATO İlham Əliyevin yaratdığı reallıqları qəbul edir
19 Mart
32 illik uğurlu tərəfdaşlıq
19 Mart
Azərbaycan Qafqazda sülhü də bərqərar edəcək
19 Mart
Həqiqət və ədalət platforması
19 Mart
Parçalanmış dünyanın bərpasına töhfə
19 Mart
“Azərbaycan Respublikası Prezidentinin “Elektroenergetika haqqında” Azərbaycan Respublikasının Qanun...
19 Mart
“Məcburi dövlət sosial sığortası üzrə ödəmələrin və əmək qabiliyyətini müvəqqəti itirmiş işçilərə sı...
19 Mart
“Qeyri-müntəzəm sərnişin daşınması üçün formulyarın forması”nın təsdiq edilməsi haqqında...
19 Mart
“Qida təhlükəsizliyi haqqında” Azərbaycan Respublikası Qanununun 25.1.1–25.1.6-cı maddələrində nəzər...
19 Mart
DİQQƏT ÇƏKƏNLƏR
Dostluqdan müttəfiqliyə14 Mart 2024
Azərbaycan islamofobiya ilə mübarizədə öndə gedir12 Mart 2024
Prezident İlham Əliyev və Prezident Kasım-Jomart Tokayev mətbuata bəyanatlarla çıxış ediblər YENİLƏN...11 Mart 2024
Mərhəmətin zərif rəmzi08 Mart 2024
Yüksək beynəlxalq etimadın növbəti nümunəsi07 Mart 2024
ÇOX OXUNANLAR
Hücum diplomatiyasından hücum taktikasına14 Mart 2024
Azərbaycan və Qazaxıstan enerji sahəsində də birgə addımlayır13 Mart 2024
Kasım-Jomart Tokayev: Qazaxıstan və Azərbaycan əməkdaşlığın yeni dövrünə qədəm qoyur10 Mart 2024
Azərbaycan beynəlxalq "yaşıl enerji" mərkəzinə çevrilir10 Mart 2024
Xoşbəxt qadın güclü cəmiyyətin təməlidir08 Mart 2024
Albaniya Azərbaycanın dəstəyini yüksək dəyərləndirir06 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!