09 Dekabr 2018 00:28
978
İDMAN
A- A+

Əməkdaşımız dünya üçüncüsü oldu


Milli komandamız Macarıstandan üç medalla qayıtdı


Bu günlərdə Macarıstanın paytaxtı Budapeştdə yeni yaradılmış Birləşmiş Dünya İdman Kempo Federasiyasının (UWSKF) təşkilatçılığı ilə Zen Bu Kan Kempo üzrə birinci dünya çempionatı keçirilmişdir.

On beş ölkənin 600-ə yaxın idmançısının iştirak etdiyi yarışda ölkəmizi Beynəlxalq Kempo Federasiyasının (IKF) Azərbaycandakı rəsmi nümayəndəsi olan "Toğrul” klubunun 7 kempoçusu yığma komanda şəklində təmsil etmişdir.

Onlardan üçü vətənə medalla qayıtmışdır. Belə ki, semi kontakt versiyası üzrə Cəmşid Rüstəmov bütün rəqiblərinə qalib gələrək qızıl medala layiq görülmüşdür. Sadiq Dürüstkari bürünc medala yiyələnmişdir. "Azərbaycan” qəzetinin əməkdaşı Şakir Alıyev full kontakt versiyası üzrə dünya çempionatının üçüncüsü olmuşdur. Xatırladaq ki, Şakir Alıyev ötən ay Rumıniyada keçirilən Avropa çempionatında da bürünc medal qazanmışdır.

Yarışlardan sonra "Toğrul” idman klubunun sədri Rauf İbrahimov bildirmişdir ki, çempionat ərəfəsində keçirilən iclasda fəaliyyət göstərən bütün Kempo təşkilatlarının (ICKKF, UWSKF, WAC) Beynəlxalq Kempo Federasiyasının (IKF) tərkib hissəsi kimi fəaliyyət göstərəcəyi barədə qərar qəbul olunmuşdur. Azərbaycanda artıq 10 ilə yaxındır ki, "Toğrul” idman klubu fəaliyyət göstərir. Klubun rəhbəri Rauf İbrahimov Beynəlxalq Kempo Federasiyasının (IKF) Azərbaycan üzrə rəsmi nümayəndəsi olduğu üçün öz vəzifəsində qalır. O, idmançılarımızın mötəbər yarışda çıxışına dəstək verdiyinə görə Azərbaycan Respublikası Gənclər və İdman Nazirliyi və Şərq Döyüş Növləri Federasiyaları Şurasına minnətdarlığını bildirmişdir.

Rizvan CƏFƏROV,

"Azərbaycan”

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video