jpg-1713653616.jpg)
Azərbaycanın özəl sektorunda gender qiymətləndirməsinin təqdimatı keçirilib
Ailə, Qadın və Uşaq Problemləri üzrə Dövlət Komitəsi İsveçrənin ölkəmizdəki səfirliyi və BMT ilə birgə dekabrın 4-də "Azərbaycanda özəl sektorda qadınlar: imkanlar və çətinliklər” adlı gender qiymətləndirməsinin təqdimatını keçirib.
AZƏRTAC xəbər verir ki, Ailə, Qadın və Uşaq Problemləri üzrə Dövlət Komitəsinin sədri Hicran Hüseynova qadınların özəl sektorda fəaliyyəti barədə danışıb. Bildirib ki, müasir iqtisadiyyatda qadınların özəl sektorda fəaliyyətində, o cümlədən kiçik və orta sahibkarlıqla məşğul olmasında müsbət dinamika müşahidə edilir. 2017-ci ildə Dünya İqtisadi Forumunun metodikası əsasında gender bərabərsizliyi indeksi üzrə Azərbaycan 96-cı yerdə qərarlaşıb. İqtisadi həyatda qadınların iştirakı kişilərə yaxınlaşır, bu alt indeksə görə ölkəmiz dünyada 45-ci yeri tutur.
Hicran Hüseynova qeyd edib ki, Azərbaycan Respublikasının Konstitusiyası və qanunvericilik bazası qadınlara mülkiyyətə yiyələnmək və bütün növ iqtisadi fəaliyyətlərlə məşğul olmaq üçün kişilərlə bərabər hüquqlar verir. "Prezident İlham Əliyev tərəfindən imzalanmış sənədlər, qəbul edilmiş qərarlar sahibkarlığın inkişafına çox böyük dəstəkdir. Azərbaycanın Birinci vitse-prezidenti Mehriban Əliyevanın təşəbbüsü ilə həyata keçirilən sosial layihələr də qadın sahibkarlığının, xüsusilə, qaçqın və məcburi köçkün qadınlar arasında sahibkarlığın inkişafına müsbət təsir göstərir”, - deyə komitə sədri bildirib.
Ailə Biznesinə Dəstək Mərkəzlərinin (ABAD) yaradılmasının əhəmiyyətini vurğulayan Hicran Hüseynova deyib ki, "ABAD” yeni iş yerlərinin açılması ilə yanaşı, kənd qadınları arasında kiçik və orta sahibkarlığa dəstək verir. 2018-ci ildə qadın sahibkarların sayı artaraq 30 faizə çatıb. Son 15 ildə 4067 qadın sahibkara 72,5 milyon manat güzəştli kredit verilib və bunun nəticəsində 6234 yeni iş yeri açılıb.
İsveçrənin Azərbaycandakı səfiri Filip Stalder deyib ki, iqtisadiyyatda kişilər və qadınlar arasında bərabərsizlik xüsusilə də özəl sektorda, məşğulluqda, karyera perspektivliyində özünü büruzə verir. Qadınlar və kişilər arasında əməkhaqqı fərqini indiki templərlə aradan qaldırmaq üçün 118 il lazımdır.
Diplomat qeyd edib ki, "Azərbaycanda özəl sektorda qadınlar: imkanlar və çətinliklər” hesabatından göründüyü kimi, bir çox ölkələrdə, həmçinin Azərbaycanda qadınlar iqtisadi sahədə bir çox çağırışlar və çətinliklərlə üzləşir. Lakin bununla yanaşı, qadınların iqtisadi sahədə geniş imkanları, fürsətləri də var. Azərbaycanda biznes mühitinin yaxşılaşdırılması üçün böyük işlər görülür. Bu da iqtisadi sahədə çalışan qadınlar üçün yeni imkanlar deməkdir.
BMT-nin İnkişaf Proqramının Azərbaycanda rezident nümayəndəsi Qulam İshaqzai deyib ki, Azərbaycanda gender bərabərliyinə xüsusi diqqət yetirilir. İlk olaraq qadınların özəl sektorda iştirakı ilə bağlı imkanları və çağırışları qiymətləndirilir. İndiyədək gender bərabərliyinə daha çox dövlət sektorunda diqqət yetirilirdi. Bu sahədə Azərbaycanla yaxşı əməkdaşlıq qurulub. Özəl sektorda isə qadınların rolunun diqqətdən kənarda qaldığını bildirən Qulam İshaqzai deyib: "Bu, ilk layihədir ki, qadınların özəl sektorda iştirakını, qadın sahibkarlığını hərtərəfli, əsaslı şəkildə araşdıraraq gündəmə gətiririk. Bu tədqiqatın nəticəsi olaraq qadınların özəl sektorda idarəçiliyə, rəhbər vəzifələrə çatmasında xeyli maneələr aşkarladıq. Hesabatda bütün bunlar öz əksini tapır”.
Milli Məclisin ailə, qadın və uşaq məsələləri komitəsinin sədri Aqiyə Naxçıvanlı diqqətə çatdırıb ki, Azərbaycan qadını əsrlərboyu xalqımızın ictimai-siyasi həyatında fəal iştirak edib, milli-mənəvi dəyərlərimizin formalaşmasında, qorunmasında əhəmiyyətli rol oynayıb. Qadınlarımız bu gün də müstəqil Azərbaycanın ictimai-siyasi, sosial-iqtisadi, elmi-mədəni həyatının inkişafına öz töhfələrini verirlər.
"Azərbaycanda qadın hərəkatına, qadınların ictimai-sosial həyatda fəal iştirakına hər zaman böyük önəm verən ulu öndər Heydər Əliyevin rəhbərliyi ilə qadınların hüquq və azadlıqlarının qorunması üçün bir çox normativ hüquqi aktlar qəbul edilib. Müstəqil Azərbaycanın 1995-ci ildə qəbul olunmuş ilk Konstitusiyası da qadınların kişilərlə hüquq bərabərliyini təsbit edib və demokratik dövlət quruculuğu prosesində onların fəal iştirakının hüquqi bazasını yaradıb. Prezident İlham Əliyevin rəhbərliyi altında bu qanunlar, hüquqi baza təkmilləşir. Ölkəmizdə reallaşdırılan mühüm dövlət tədbirləri sayəsində Azərbaycan qadını ötən müddətdə əsrə bərabər inkişaf yolu keçib”, - deyə A.Naxçıvanlı vurğulayıb.
Sonra baş ekspert Aysel Vəzirova "Azərbaycanda özəl sektorda qadınlar: imkanlar və çətinliklər” layihəsini və gender qiymətləndirilməsinin nəticələrini təqdim edib.
Tədbirdə, həmçinin "Qadınların iqtisadi səlahiyyətlərinin artırılması” adlı yeni layihənin təqdimatı olub.
BMT-nin İnkişaf Proqramının rezident nümayəndəsinin müavini Alessandro Frakassetti, BMT-nin gender bərabərliyi və qadınların səlahiyyətlərinin artırılması qurumunun Gürcüstandakı nümayəndəsi Erika Kvapilova, Azərbaycanda Qadın Sahibkarlığının İnkişafı Assosiasiyasının sədr müavini Jalə Hacıyeva müxtəlif layihələr təqdim ediblər.
Sonda azərbaycanlı qadın sahibkarların əl işlərindən ibarət sərgi keçirilib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Azərbaycan və Qırğızıstan prezidentləri Ağdam Konfrans Mərkəzi ilə tanış olublar YENİLƏNƏCƏK ...
15:22
25 Aprel
25 Aprel
Azərbaycan və Qırğızıstan prezidentləri Ağdam şəhərində olublar YENİLƏNİB
15:20
25 Aprel
25 Aprel
Üç ayda 38,9 min nəfərdən çox şəxsə sosial müavinət və təqaüd təyin olunub
15:08
25 Aprel
25 Aprel
Yığmanın məşqçisi: Azərbaycanda akrobatika gimnastikasına olan maraq bizi sevindirir
15:07
25 Aprel
25 Aprel
Milli Oftalmologiya Mərkəzi və Dəmiryol Səyyar Klinikası Balakəndə tibbi aksiya keçirəcək ...
15:06
25 Aprel
25 Aprel
Azərbaycan Ordusunda komanda-qərargah təlimləri keçirilir
14:58
25 Aprel
25 Aprel
Qazaxıstan TDT ölkələrinin kosmik sahədə əməkdaşlığını dəstəkləyir
14:54
25 Aprel
25 Aprel
Xocalıda insan qalıqları aşkarlanıb
14:52
25 Aprel
25 Aprel
Azərbaycan və Qırğızıstan prezidentləri Füzuli şəhərinin dağıdılmış yerlərinə baxıb, şəhərin Baş pla...
14:52
25 Aprel
25 Aprel
ABŞ dövlət katibi Antoni Blinken Pekinə gəlib
14:49
25 Aprel
25 Aprel
DİQQƏT ÇƏKƏNLƏR
10 Aprel 2024Şuşanın nurlu gecələ...
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!
Video
