04 Dekabr 2018 15:24
179
DÜNYA
A- A+

NASA Yerlə toqquşması ehtimal olunan asteroid üzərində tədqiqat aparacaq


ABŞ-ın Milli Aeronavtika və Kosmik Tədqiqatlar Agentliyinin (NASA) 2016-cı ilin sentyabrında kosmosa göndərdiyi "Osiris-Rex” zondu "Bennu” asteroidinə yaxınlaşıb və bu göy cisminin səthindən götürülən nümunələri Yerə çatdıracaq.

AZƏRTAC "Reuters” agentliyinə istinadla xəbər verir ki, Günəş sistemində ən böyük ulduzdan Yerə qədər eyni məsafədə olan bu asteroidin təxminən 166 ildən sonra planetimizlə toqquşacağı ehtimal olunur. Astronomlar "Bennu”nun sərt qaya şəklində olan süxurlarının tərkibində müxtəlif mineralların olduğu qənaətindədir. Əvvəllər aparılmış tədqiqatlar göstərib ki, Yerlə toqquşan asteroid və meteoritlərin tərkibində həyat əlaməti olan su da olub. "Bennu”nun səthinin öyrənilməsi məhz bu baxımdan əhəmiyyətlidir.

Alimlərin hesablamalarına görə, bu asteroidin Yerlə toqquşacağı ehtimalı 2,700-də bir təşkil edir. NASA-nın kataloqunda "Bennu”nun planetimizə 72 il yaxınlıqda olduğu da qeyd olunub.

NASA-nın məlumatında bildirilir ki, "Osiris-Rex” astronomlara asteroiddə radiasiya səviyyəsini ölçməyə də imkan verəcək. Bundan başqa, "Bennu”nun aldığı Günəş enerjisi sayəsində hər altı ildən bir Yerə daha çox yaxınlaşdığı da müəyyən olunub. Missiyanın sözçüsü Erin Morton vurğulayıb: ”2020-ci ildə bu asteroiddən götürüləcək nümunələrin tədqiqi bizə qarşıdakı 150 ildə onun planetimizə təsiri barədə daha aydın məlumatlar əldə etməyə kömək edəcək.

Alimlər onu da qeyd ediblər ki, "Bennu” asteroidinin 2135-ci ildə yerə daha yaxın məsafədə - 250 min mil uzaqlıqda olacağı ehtimal edilir. "Osiris-Rex” kosmik zondu dekabrın sonunda asteroidin 1,2 mil yaxınlığında uçacaq və obyektin qravitasiya sahəsinə daxil olacaq. 2020-ci ilin iyulunda isə "robot qol” vasitəsilə "Bennu”nun səthindən nümunələr götürüləcək. Bu missiyanı başa çatdıran zond 2023-cü ilin sentyabrında Yerə istiqamət alacaq və paraşütlə ABŞ-ın Yuta çölünə enəcək.

NASA-nın elmi missiya bölməsinin əməkdaşı Lindli Conson bildirib ki, hazırda asteroidin Yerə yönəlməsi istiqamətini dəyişmək üçün işlər davam edir və onun planetimizlə toqquşmasının qarşısını almaq məqsədilə əlavə tədbirlər görüləcək. "Lakin bu səylərin uğurla nəticələnməsi 2135-ci ildə "Bennu”nun Yerə hansı məsafədə yerləşməsindən asılı olacaq. Bizim, həmçinin gələcək nəsillərin öhdəsinə düşən vəzifə isə müşahidələr aparmaq və gözləməkdir”, deyə astronom əlavə edib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video