30 Noyabr 2018 10:18
694
İDMAN
A- A+

Yaponiyada Milli Olimpiya Komitələrinin Assosiasiyasının Baş Assambleyası davam edir


Yaponiyanın paytaxtı Tokioda Milli Olimpiya Komitələrinin Assosiasiyasının (MOKA) Baş Assambleyası davam edir.
AZƏRTAC xəbər verir ki, Baş Assambleyada ölkəmizi Azərbaycan Milli Olimpiya Komitəsinin (MOK) vitse-prezidenti Çingiz Hüseynzadənin başçılığı ilə nümayəndə heyəti təmsil edir. Heyətdə MOK baş katibinin müavini Azər Əliyev, beynəlxalq əlaqələr idarəsinin rəisi Anar Bağırov və marketinq idarəsinin rəisi Mehman Kərimov yer alıblar.

Noyabrın 29-da keçirilən iclasda açılış nitqi ilə çıxış edən Beynəlxalq Olimpiya Komitəsinin prezidenti Tomas Bax Milli Olimpiya komitələrinin nümayəndələrini salamlayıb. O, çıxışında Olimpiya dəyərləri və Olimpiya hərəkatı, Milli Olimpiya komitələri arasında əlaqələrin qurulması və inkişafından danışıb. T.Bax Olimpiya təhsili və idmanın təşviqinin vacibliyini xüsusi vurğulayıb.

Assambleya çərçivəsində "Tokio 2020", "Paris 2024" və "Los-Anceles 2028" Yay Olimpiya oyunlarının Təşkilat komitələrinin nümayəndələrinin çıxışları dinlənilib. "Pekin 2022" Qış Olimpiya Oyunları və "Lozanna 2020" Yeniyetmələrin Qış Olimpiya Oyunları haqqında məruzələr müzakirə edilib.

Noyabrın 30-da assambleya iştirakçılarının "Tokio 2020” Yay Olimpiya Oyunlarının keçiriləcəyi yarış obyektləri ilə tanışlığı nəzərdə tutulub.
Sonda Beynəlxalq Olimpiya Komitəsinin İcraiyyə Komitəsinin iclası keçiriləcək.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video