Reallaşan layihələr
Respublikamızın digər şəhər və rayonları kimi Goranboyun da siması gündən-günə dəyişir. İndi rayon ərazisinə yolu düşən hər kəs burada aparılan abadlıq və quruculuq işlərinin şahidi olur.
Goranboy Rayon İcra Hakimiyyətinin başçısı Nizaməddin Quliyevlə söhbətimiz də bu barədə oldu. İcra başçısı dedi ki, istər kənd təsərrüfatında, istərsə də digər sahələrdə qazanılan uğurlar imkan verir ki, rayonda sosial infrastrukturu yeniləyək. Hazırda xırda abadlıq işləri ilə yanaşı, bir neçə vacib obyektdə tikinti işləri sürətlə aparılır. Məsələn, dövlət başçısının müvafiq sərəncamları ilə ayrılmış vəsait hesabına rayon mərkəzində mərkəzi rayon xəstəxanası, Olimpiya idman kompleksi inşa edirlir. Xalçaçılıq müəssisəsində, uşaq və ailələrə dəstək mərkəzində işlər yekunlaşmaq üzrədir.
2,8 hektar ərazisi olan Olimpiya idman kompleksinin tikintisində 70 nəfərdən çox işçi çalışır. Gələn il istifadəyə verilməsi nəzərdə tutulan bu kompleksi "TAN” inşaat şirkəti aparır. İnşaat işlərində yüksək ixtisaslı mütəxəssislər çalışırlar. Havaların soyuq keçməsinə baxmayaraq iş dayanmır. İnşaat materiallarının təminatında da ləngimələr yoxdur. Obyektdə çalışan bütün işçilər gündə bir dəfə pulsuz yeməklə təmin edilirlər. Onların tikinti meydançasına rahat gəlib getmələri üçün nəqliyyat vasitələri də ayrılıb.
Kompleksdə gənclərin bütün növ olimpiya oyunları ilə məşğul olmaları üçün hər cür şərait yaradılır. Həndbol, basketbol, voleybol meydançaları, güləş, ağır atletika, boks, şahmat zalları, 3 mərtəbəli hotel, hamam, duş, masaj otaqları olacaq, tennis klubu, stadion fəaliyyət göstərəcək. Üzgüçülük hovuzunda üzməyi öyrənənlər üçün təlimlər aparılacaq, yarışları seyr etmək üçün 110 nəfərlik oturacaqlar quraşdırılacaq.
İnşası başa çatdırılmış və hazırda ətrafında son tamamlama işləri görülən xalçaçılıq müəssisəsinin bu günlərdə təhvil verilməsi nəzərdə tutulur. Müəssisədə olarkən "El-seym” inşaat şirkətinin iş icraçısı Zəkəriyyə Şərbətov dedi ki, hazırda müəssisənin həyətində yaşıllaşdırma işləri görülür. Bu ay işləri tamamlayıb təhvil verəcəyik. Artıq müəssisənin daxilində dəzgahların quraşdırılmasına başlanılıb. Burada konfrans zalı, soyunub-geyinmə otaqları, mətbəx-yeməkxana da var. Sanitar qovşaqlarda bütün işlər başa çatdırılmış, ayrıca elektrik transformatoru quraşdırılmışdır. Mərkəzləşdirilmiş istilik sistemində də işlər başa çatdırılmışdır. 100 nəfərin çalışacağı müəssisədə işçilərin toxuculuq sənətinə yiyələnmələri üçün də təşkilati tədbirlər görülmüş, onlar 3 aylıq kursları başa vurmuşlar.
Mərkəzi rayon xəstəxanasının tikintisi də sürətlə aparılır. Obyektin gələn il istifadəyə verilməsi nəzərdə tutulmuşdur. Əvvəlki mərkəzi xəstəxanadan fərqli olaraq terapiya, travmatologiya, doğum, dializ, cərrahiyyə, təcili tibbi yardım şöbələri yeni binada olacaq.
Uşaq və ailələrə dəstək mərkəzinin tikintisi də başa çatır. Burada keçiriləcək təlimlər, eləcə də fiziki qüsurlu uşaqların reabilitasiyası üçün hər cür şərait yaradılmışdır. Yeni il qabağı bu obyektin açılışı da nəzərdə tutulmuşdur.
Hazırda inşası davam edən obyektlər diqqətdə saxlanılır, rayon rəhbərliyi tərəfindən lazım gəldikdə kömək göstərilir.
Sabir ƏLİYEV,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Moskvada MDB İqtisadi Şurasının 101-ci iclası başlayıb
29 Mart
Ölkəyə idxal olunan bir sıra qida məhsullarında uyğunsuzluqlar aşkarlanıb
29 Mart
Səhiyyə Nazirliyi Laçın şəhərində uşaqların kompleks tibbi müayinəsini aparıb və maarifləndirici aks...
29 Mart
Ramazan bayramı ilə əlaqədar Bakı-Qəbələ-Bakı marşrutu üzrə qatarların hərəkətində dəyişiklik edilir...
29 Mart
Dövlət Su Ehtiyatları Agentliyinin sədri Gəncə şəhərində vətəndaşlarla görüşüb
29 Mart
Milli Məclisin növbəti plenar iclasının vaxtı açıqlanıb
29 Mart
Kainatın bir çox sirrini açmağa imkan yaradan texnoloji yenilik
29 Mart
Naxçıvandan olan şəhid ailələrinin üzvləri Şuşada
29 Mart
Sağlam və düzgün qidalanmanın ən önəmli qaydalarından biri meyvə və tərəvəzləri mövsümündə istehlak ...
29 Mart
NATO İspaniyada üçüncü hərbi-dəniz bazasını yerləşdirir
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!