25 Noyabr 2018 00:38
650
Mədəniyyət
A- A+

İncə sənətin nöqtədən nöqtəyə təsviri


Gerçəkliyə bədii, obrazlı şəkildə yanaşma əsl sənətkara xas olan xüsusiyyətdir. İlhamını naturaya təslim etməyən sənətkarların yaratdıqları isə daha uzunömürlülük qazanır.

Belə sənət əsərlərinin müəlliflərindən biri də Milli Məclisin deputatı, "Yeni Era” Dünya Rəssamlıq Akademiyasının həqiqi üzvü, Naxçıvan Rəssamlar Birliyinin sədri Ülviyyə Həmzəyevadır.

Miniatür Kitab Muzeyinin yeni nəşrləri arasında diqqət çəkənlərdən biri də məhz əməkdar rəssam Ülviyyə Həmzəyevanın yaradıcılığına həsr edilən "Nöqtədən nöqtəyə” kitabıdır. 100 nüsxə və 224 səhifədən ibarət kitabda rəssamın bir-birindən maraqlı, mövzu baxımından isə müxtəlifliyi ilə seçilən əsərlərindən nümunələr yer alıb.

Əməkdar incəsənət xadimi, sənətşünaslıq üzrə fəlsəfə doktoru Ziyadxan Əliyev kitaba yazdığı ön sözdə qeyd edir ki, rəssamın dekorativliklə şərtiliyin, zərif cizgilərlə "puantilist” nöqtələrin qovuşağından "boylanan” özünəməxsus dəst-xəttinin mayasında həm də qədim ənənələrə malik miniatür üslubu-ruhu durduğundan, ərsəyə gələn hər bir əsər tamaşaçını duyğulandıran mənəvi qaynaq kimi qəbul olunur: "Kompozisiya səthində ilk baxışda xaotik, diqqətli müşahidədə isə kifayət qədər ritmli və axıcı görünən bu yaxı-cizgi "axını” bəzən qurama ilə anım yaratsa da, mahiyyətcə bütövdürlər”.

Yeni nəşr "İndiqo” mətbəəsində çapdan buraxılıb.

Məhəmməd NƏRİMANOĞLU,

"Azərbaycan”

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video