Büdcə müzakirələrinin ilkin mərhələsi başa çatdı
Milli Məclisin noyabrın 15-də keçirilən növbəti plenar iclası "Azərbaycan Respublikası Milli Məclisinin 2019-cu il üçün xərclər smetası haqqında” məsələnin müzakirəsi ilə başladı.
Bununla bağlı Milli Məclisin işlər müdiri Firudin Hacıyev məlumat verdi. Qeyd etdi ki, Azərbaycan Respublikasının 2019-cu il üçün dövlət büdcəsində Milli Məclisin və onun aparatının saxlanması üçün 27 milyon 69 min 600 manat vəsait nəzərdə tutulmuşdur. Xərclər smetasının ümumi dəyərinin 68,5 faizini əməkhaqqı fondu və əməkhaqqı ilə əlaqədar ayırmalar təşkil edir. Diqqətə çatdırıldı ki, qanunvericiliyə edilmiş dəyişikliyə əsasən qanun layihələri 3 oxunuşda müzakirə edildiyindən Milli Məclisin iclaslarının sayı çoxalıb. Bununla əlaqədar dəftərxana, mətbəə və avadanlıqların alınması xərclərinin artırılmasına, Milli Məclisin inzibati binasında 1994-cü ildə xidməti istifadə üçün quraşdırılmış operativ rabitə ATS-nin, həmçinin informasiya texnologiyalarının inkişafı ilə əlaqədar inzibati binada 2 ədəd data məlumat bazası servis otağının yenidən qurulmasına, inzibati binaların isidilməsini və soyudulmasını həyata keçirmək üçün 2006-cı ildə quraşdırılmış avadanlıqların bəzi sıradan çıxmış ehtiyat hissələrinin yenisi ilə əvəz edilməsinə əlavə vəsait tələb olunur.
Firudin Hacıyev bu məqsədlə xərclər smetasının bəzi paraqrafları üzrə əlavə vəsait ayrılmasına kömək göstərilməsini xahiş etdi.
Müzakirələr zamanı deputatlardan Tahir Kərimli, Naqif Həmzəyev, Qüdrət Həsənquliyev, Zahid Oruc, Fəzail Ağamalı, Fazil Mustafa, Qənirə Paşayeva layihə ətrafında fikirlərini bildirdilər. Deputatlar Milli Məclisin işçilərinə mənzil tikintisi üçün vəsait ayrılması, parlament televiziyasının yaradılması, elektron sənəd dövriyyəsinin sürətləndirilməsi, ezamiyyə xərclərinin artırılması və qanunverici orqanın fəaliyyətinə aid olan digər məsələlərlə bağlı təkliflərlə çıxış etdilər.
Komitə sədri Siyavuş Novruzov dedi ki, parlamentin adından hazırlanan sənədlərlə bağlı ayrıca şöbə yaradılmalıdır. Milli Məclisdə sosioloji sorğu mərkəzinin də yaradılmasını təklif edən Siyavuş Novruzov əvvəllər belə bir şöbənin fəaliyyət göstərdiyini qeyd etdi: "Prezident İlham Əliyev Milli Məclisin fəaliyyətini yüksək qiymətləndirir. Amma biz fəaliyyətimizlə bağlı ictimaiyyətin münasibətini bilmirik. Heç olmasa ayda 1 dəfə mərkəz tərəfindən sorğu keçirilməli, ictimaiyyətin fikri öyrənilməlidir. Dünya təcrübəsində bütün parlamentlərdə bu cür mərkəzlər fəaliyyət göstərir, təhlillər həyata keçirilir”.
Daha sonra "Azərbaycan Respublikası Hesablama Palatasının 2019-cu il üçün xərclər smetası haqqında” məsələ müzakirəyə çıxarıldı. Layihə ilə bağlı Hesablama Palatasının sədri Vüqar Gülməmmədov məlumat verdi. Bildirdi ki, 2019-cu ildə Hesablama Palatasının saxlanılması üçün 4 milyon 368 min 941 manat vəsait planlaşdırılır. Bu vəsait 2018-ci ilin proqnoz göstəricisindən təqribən 6,5 faiz çoxdur. Artım əsasən bəzi yardımçı dövlət qulluqçularının inzibati təsnifat üzrə yerdəyişməsindən irəli gəlir və yanacağın qiyməti ilə bağlıdır. Palata üzrə xərclər smetasının ümumi məbləğinin 84,3 faizi əməyin ödənilməsi ilə bağlıdır.
Bununla da iclasda 2019-cu ilin dövlət büdcəsi zərfinə daxil olan məsələlərin müzakirəsi başa çatdı. Hökumətə vaxt verildiyini deyən Milli Məclisin Sədri Oqtay Əsədov bununla bağlı növbəti iclasın noyabrın 23-də, son iclasın isə noyabrın 30-da keçiriləcəyini dedi.
Parlamentin Hüquq siyasəti və dövlət quruculuğu komitəsinin sədri Əli Hüseynli "Azərbaycan Respublikasının 1996-cı il 17 may tarixli 74-IQ nömrəli Qanunu ilə təsdiq edilmiş "Azərbaycan Respublikası Milli Məclisinin Daxili Nizamnaməsi”ndə dəyişiklik edilməsi haqqında” (ikinci oxunuş), "Azərbaycan Respublikası Milli Məclisi deputatının statusu haqqında” Azərbaycan Respublikası Qanununda dəyişiklik edilməsi barədə” (ikinci oxunuş) və "Azərbaycan Respublikası Milli Məclisi deputatının etik davranış qaydaları haqqında” Azərbaycan Respublikasının Qanununda dəyişiklik edilməsi barədə” (ikinci oxunuş) qanun layihələrini müzakirəyə təqdim etdi.
Qeyd etdi ki, Konstitusiyaya edilmiş dəyişiklikdən və "Normativ hüquqi aktlar haqqında” qanunun tələblərindən irəli gələrək Hüquq siyasəti və dövlət quruculuğu komitəsinə Milli Məclisin Daxili Nizamnaməsində dəyişikliklər edilməsi ilə bağlı qanun layihəsi hazırlamaq tövsiyə olunub. Qarşıya qoyulmuş vəzifə nizamnaməni Konstitusiyaya və "Normativ hüquqi aktlar haqqında” Konstitusiya Qanununa uyğundaşdırmaqdan ibarət olub.
Müzakirələr zamanı deputatlardan Qüdrət Həsənquliyev, Çingiz Qənizadə, Fərəc Quliyev, İlham Əliyev, Əflatun Amaşov, Fazil Mustafa, Siyavuş Novruzov və Tahir Rzayev təqdim olunan layihələrlə bağlı fikirlərini bildirdilər. Yekunda qanun layihələri ikinci oxunuşda qəbul edildi.
İclasda son olaraq "Notariat haqqında” Azərbaycan Respublikasının Qanununda dəyişiklik edilməsi barədə” qanun layihəsi müzakirəyə çıxarıldı. Layihə barədə Hüquq siyasəti və dövlət quruculuğu komitəsinin sədri Əli Hüseynli məlumat verdi. Qeyd etdi ki, dəyişikliklər qanunvericiliyin təkmilləşdirilməsi ilə əlaqədardır. Dəyişikliklər notarial hərəkətlərlə bağlı yeni standartların tətbiqinə rəvac verəcək. Qısa müzakirədən sonra qanun layihəsi təsdiq olundu.
Rəşad CƏFƏRLİ,
Fərman BAĞIROV (foto),
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
“Azərbaycan Respublikası Prezidentinin “Elektroenergetika haqqında” Azərbaycan Respublikasının Qanun...
19 Mart
“Məcburi dövlət sosial sığortası üzrə ödəmələrin və əmək qabiliyyətini müvəqqəti itirmiş işçilərə sı...
19 Mart
“Qeyri-müntəzəm sərnişin daşınması üçün formulyarın forması”nın təsdiq edilməsi haqqında...
19 Mart
“Qida təhlükəsizliyi haqqında” Azərbaycan Respublikası Qanununun 25.1.1–25.1.6-cı maddələrində nəzər...
19 Mart
Azərbaycan Respublikası Nazirlər Kabinetinin 2023-cü il 3 noyabr tarixli 399 nömrəli Qərarı ilə təsd...
19 Mart
“Azərbaycan Respublikası Prezidentinin “Telekommunikasiya haqqında” Azərbaycan Respublikası Qanununu...
19 Mart
“Azərbaycan Respublikası Prezidentinin “Dağınıq skleroz xəstəliyinə tutulmuş şəxslərə dövlət qayğısı...
19 Mart
Azercell abunəçilərinin nəzərinə:
19 Mart
"Azərbaycan Xəzər Dəniz Gəmiçiliyi" Qapalı Səhmdar Cəmiyyəti ASCO-nun struktur idarələrinə tələb olu...
19 Mart
"Azərbaycan Xəzər Dəniz Gəmiçiliyi" Qapalı Səhmdar Cəmiyyəti ASCO-nun struktur idarələrinə tələb olu...
19 Mart
DİQQƏT ÇƏKƏNLƏR
Dostluqdan müttəfiqliyə14 Mart 2024
Azərbaycan islamofobiya ilə mübarizədə öndə gedir12 Mart 2024
Prezident İlham Əliyev və Prezident Kasım-Jomart Tokayev mətbuata bəyanatlarla çıxış ediblər YENİLƏN...11 Mart 2024
Mərhəmətin zərif rəmzi08 Mart 2024
Yüksək beynəlxalq etimadın növbəti nümunəsi07 Mart 2024
ÇOX OXUNANLAR
Hücum diplomatiyasından hücum taktikasına14 Mart 2024
Azərbaycan və Qazaxıstan enerji sahəsində də birgə addımlayır13 Mart 2024
Kasım-Jomart Tokayev: Qazaxıstan və Azərbaycan əməkdaşlığın yeni dövrünə qədəm qoyur10 Mart 2024
Azərbaycan beynəlxalq "yaşıl enerji" mərkəzinə çevrilir10 Mart 2024
Xoşbəxt qadın güclü cəmiyyətin təməlidir08 Mart 2024
Albaniya Azərbaycanın dəstəyini yüksək dəyərləndirir06 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!