14 Noyabr 2018 16:55
379
DÜNYA
A- A+

ABŞ HƏMAS və “Hizbullah” liderlərinin başına pul qoydu


ABŞ HƏMAS lideri Saleh Aruri və Livanın "Hizbullah” hərəkatının rəhbərləri Xəlil Yusif Mahmud Hərb və Heysəm Əli Təbatəbai barəsində məlumata görə 5 milyon dollaradək mükafat təklif edir. Bu barədə ABŞ Dövlət Departamentinin saytı xəbər verir.

Saleh Aruri HƏMAS Siyasi Bürosu başçısının müavini və hərəkatın hərbi qanadı – "İzzəddin əl-Qəssam” briqadasının yaradıcılarından biridir. Dövlət Departamenti hesab edir ki, Saleh Aruri HƏMAS-ın İordan çayının qərb sahilində hərbi əməliyyatlarını maliyyələşdirmiş və onlara rəhbərlik etmiş, habelə onun bir neçə terror aktı və insan oğurluğunda əli olmuşdur.

Xəlil Yusif Mahmud Hərb Livanın "Hizbullah” qruplaşmasının lideri Həsən Nəsrullanın müşaviridir. Dövlət Departamentinin fikrincə, o, "Hizbullah”ın Fələstin ərazilərində və bir sıra Yaxın Şərq ölkələrində hərbi əməliyyatlara komandanlıq və nəzarət etmişdir.

"Hizbullah”ın əsas hərbi liderlərindən biri Heysəm Əli Təbatəbai təşkilatın Suriya və Yəməndə xüsusi təyinatlı dəstələrinə komandanlıq etmişdir. Sənəddə həmçinin bildirilir ki, HƏMAS və "Hizbullah” İrandan maliyyələşdirilir və bu ölkədən silah alır.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video