13 Noyabr 2018 19:50
269
CƏMİYYƏT
A- A+

Akademik Zərifə Əliyeva adına Milli Oftalmologiya Mərkəzi tərəfindən növbəti aksiya keçirilib


Noyabrın 13-də Akademik Zərifə Əliyeva adına Milli Oftalmologiya Mərkəzinin Avtomobil Səyyar Klinikası Beynəlxalq Gözdən Əlillər Günü münasibətilə Azərbaycan Gözdən Əlillər Cəmiyyətində seminar və tibbi aksiya keçirib.

Mərkəzdən AZƏRTAC-a bildiriblər ki, aksiya çərçivəsində göz xəstəliklərinə qarşı profilaktik tədbirlərin görülməsi haqqında seminar təşkil olunub. Seminarın keçirilməsində əsas məqsəd göz problemləri və bu xəstəliklərlə mübarizə yolları haqqında əhalini maarifləndirməkdir.

Sonra Səyyar Klinikanın həkim heyəti tərəfindən Gözdən Əlillər Cəmiyyətinin 100-ə yaxın üzvü oftalmoloji müayinədən keçirilib.

Humanitar aksiyanın məqsədi operativ şəkildə pasiyentləri müayinə-müalicə və ehtiyac duyulduğu təqdirdə cərrahi əməliyyat etməkdir. Tədbir əsnasında göz xəstəlikləri ilə bağlı monitorinqlər aparılıb, əldə edilən nəticələr və müayinə olunanlarda aşkarlanan görmə problemlərinin həlli yolları müzakirə olunub.

Qeyd edək ki, Akademik Zərifə Əliyeva adına Milli Oftalmologiya Mərkəzinin Səyyar Klinikasının Azərbaycanın rayon və şəhərlərində həyata keçirdiyi tibbi aksiyalar mütəmadi xarakter daşıyır və Prezident İlham Əliyevin səhiyyə ilə bağlı reallaşdırdığı layihələrin tərkib hissəsi hesab olunur.

2005-ci ildən etibarən mərkəzin Avtomobil Səyyar Klinikası paytaxtda və respublikanın bir çox rayon və şəhərlərində aksiyalar keçirir. Səyyar Klinika və mərkəzin bütün filialları ən son texnoloji avadanlıqlarla təchiz olunub. Klinikada təcrübəli və xaricdə ixtisas keçmiş həkim-oftalmoloqlar bütün göz xəstəliklərinin müayinə və müalicəsi, eləcə də əməliyyatı ilə məşğul olurlar. Bununla yanaşı, 2018-ci ildən mərkəzin Dəmir yolu Səyyar Klinikası fəaliyyətə başlayıb.

Bu gün dövlət səviyyəsində göz xəstəliklərinin qarşısının alınmasına yönəldilmiş çoxlu sayda tədbirlər həyata keçirilir. Mərkəz tərəfindən keçirilən aksiyalar da bu tədbirlər çərçivəsində reallaşdırılır.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video