12 Noyabr 2018 22:02
382
DÜNYA
A- A+

Vladimir Putin: Rusiya müsəlman ölkələri ilə dostluq əlaqələrinin inkişafına böyük əhəmiyyət verir


Rusiya Prezidenti Vladimir Putinin Dağıstanda keçirilən "Rusiya – İslam dünyası” Strateji Yanaşma Qrupunun növbəti iclasının iştirakçılarına ünvanlandığı təbrik məktubunda deyilir: "Rusiya Federasiyası həm ikitərəfli formatda, həm də İslam Əməkdaşlıq Təşkilatı çərçivəsində müsəlman ölkələri ilə dostluq əlaqələrinin inkişafına böyük əhəmiyyət verir”.

AZƏRTAC-ın məlumatına görə, məktubda qeyd edilir ki, gündəlikdə duran bir çox ən mühüm qlobal və regional məsələlərdə Rusiya ilə müsəlman aləmi ölkələrinin mövqeyi olduqca yaxındır. Rusiya Prezidentinin müraciətində daha sonra deyilir: "Biz qanunun aliliyinə əsaslanan və ayrı-seçkiliyin, öz şərtlərini güc yolu ilə qəbul etdirmənin, iqtisadi və informasiya təzyiqinin hər hansı təzahürlərinin olmadığı ədalətli və demokratik dünya nizamının qurulması naminə birgə çıxış edirik”.

Dövlət başçısının fikrincə, Rusiya ilə İslam ölkələri arasında konstruktiv ticari-iqtisadi, elmi-texniki və humanitar əməkdaşlıq, yerli münaqişələrin və böhran vəziyyətlərinin nizamlanmasında qarşılıqlı tərəfdaşlıq əlaqələri yaranıb.

V.Putin əmin olduğunu bildirib ki, terrorçu və ekstremist ideologiyasına qarşı müqavimətə həsr olunan iclasın iştirakçıları faydalı praktik təcrübə mübadiləsi aparacaq, birgə fəaliyyətin perspektiv forma və istiqamətlərini müəyyən edəcəklər.

Xatırladaq ki, Dağıstanın paytaxtı Mahaçqalada Tatarıstan Prezidenti Rüstəm Minnixanovun sədrliyi ilə "Rusiya – İslam dünyası” Strateji Yanaşma Qrupunun 4-cü iclası keçirilir.

İclasın əsas mövzusu "Gənclərin təhsili vasitəsilə ekstremizmə müqavimət” adlanır. İclasın yekununa dair Bolqarıstan İslam Akademiyasının bazasında Rusiya-müsəlman birgə "Gələcək liderlər akademiyası”nın yaradılacağı gözlənilir. Həmçinin terror təhdidləri və təhlükəsizliyə qarşı çağırışların artması kontekstində Rusiya və müsəlman ölkələri arasında əməkdaşlığın perspektivləri müzakirə olunacaq.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video