12 Noyabr 2018 17:21
744
Elm və texnika
A- A+

Akademik Rafael Hüseynov Siyasi Psixologiya Mərkəzində tələbələrə mühazirə oxuyub


Azərbaycan Milli Elmlər Akademiyasının Milli Azərbaycan Ədəbiyyatı Muzeyinin direktoru, akademik Rafael Hüseynov Siyasi Psixologiya Mərkəzinin nəzdində fəaliyyət göstərən Siyasi Psixologiya Məktəbində tələbələrə "Milli dil, milli düşüncə və milli ideal” mövzusunda mühazirə oxuyub.

Muzeydən AZƏRTAC-a bildiriblər ki, R.Hüseynov çıxışında milli düşüncə konsepsiyası və azərbaycançılıq ideologiyasından, eləcə də azərbaycançılıq məfkurəsinin milli ideologiya kimi müəyyənləşməsində ümummilli lider Heydər Əliyevin göstərdiyi misilsiz xidmətlərdən bəhs edib.

Sonra alim ali məktəb tələbələrinin, müxtəlif sahələrdə fəaliyyət göstərən gənclərin suallarını cavablandırıb.

Akademik R.Hüseynov müzakirələrdə iştirak edən, geniş dünyagörüşü və maraq dairəsinə malik gənc mütəxəssislərin bilik və zövq səviyyəsini yüksək qiymətləndirib. Alim belə bir işıqlı, savadlı gəncliyin yetişməsində Siyasi Psixologiya Mərkəzinin təsisçisi və direktoru, professor Səməd Seyidovun təqdirəlayiq töhfəsi olduğunu bildirib.

Qeyd edək ki, Siyasi Psixologiya Mərkəzi ölkədə siyasət və psixologiya arasında əlaqəni araşdıran ilk təşkilatdır. Bu qurum insanların öz bilik və bacarıqlarından istifadə etməklə şəxsiyyətin hərtərəfli inkişafına kömək etmək məqsədini daşıyır.

Gənc mütəxəssislər mərkəzə mütəmadi dəvət olunan görkəmli alimlər, ictimai xadimlər və siyasətçilərlə görüşür, maraqlı mühazirələri dinləmək imkanı əldə edirlər. Həmçinin tələbələrə beynəlxalq təcrübə və vərdişlərin aşılanması məqsədilə vaxtaşırı Avropa Şurası Parlament Assambleyasının sessiyalarını bilavasitə izləmək, Strasburqa, Avropa Evinə ezamiyyətə getmək imkanı yaradılır.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video