Futbol üzrə UEFA Avropa Liqasının qrup mərhələsinin dördüncü turu çərçivəsində "Qarabağ” – "Vorskla” görüşü keçirilib.

"Qarabağ”ın start heyətində Hannes Tur Halldorsson, Qara Qarayev, Maksim Medvedev, Simoen Slavçev, Miçel, Araz Abdullayev, Rəşad Sadıqov, Abdulah Zubir, Con Delarj, Yakub Jezniçak və Donald Gerye yer alıblar.

Ukraynanın "Vorskla” klubunun ilk onbirliyində isə meydana Boqdan Şust, İqor Perduta, Nadjip Yakubu, Aleksandr Sklya, Vladislav Kulaç, Vyaçeslav Şarpar, Vladimir Çesnakov, Vadim Sapay, Yuri Kolomoyets, Ardin Dallku və Pavlo Rebenyo çıxıblar.

Aleksey Butovski adına stadionda keçirilən qarşılaşmanı İsveçrədən olan hakimlər briqadası idarə edib.

Qarşılaşmanın 13-cü dəqiqəsində Maksim Medvedevə qarşı qayda pozuntusuna görə oyunun baş hakimi ukraynalıların qapısına 11 metrlik cərimə zərbəsi təyin edib. Araz Abdullayev dəqiq zərbə ilə adını tabloya yazdırıb - 0:1. Bu, ağdamlıların UEFA Avropa Liqasında ilk qolu olub.

Qoldan sonra hücumlarını davam etdirən Qurban Qurbanovun yetirmələri rəqibin qapısı qarşısında bir neçə təhlükəli vəziyyət yaratsalar da hesab dəyişməyib.

İlk hissə "Qarabağ"ın 1:0 hesablı üstünlüyü ilə başa çatıb.

Fasilədən sonra ukraynalı fanatlar meydana yandırıcı maddələr atdıqlarına görə isveçrəli referi oyunu dayandırıb.

Görüş bir neçə dəqiqədən sonra davam etdirilib. Buna baxmayaraq, hesab dəyişməyib. Beləliklə, "Qarabağ” səfərdə "Vorskla" klubunu məğlub edərək, turnirdə ilk qələbəsini qazanıb.

UEFA Avropa Liqasının qrup mərhələsində IV turunun digər qarşılaşmalarında aşağıdakı nəticələr qeydə alınıb:

A qrupu

"Bayer" (Almaniya) - "Sürix" (İsveçrə) - 1:0

"Lüdoqorets" (Bolqarıstan) - AEK (Kipr) - 0:0

Xal durumu: "Sürix" - 9, "Bayer" - 9, AEK - 2, "Lüdoqorets" - 2.

B qrupu

"Seltik" (Şotlandiya) - "Leyptsiq" (Almaniya) - 2:1

"Rusenborq"(Norveç) - "Zaltsburq" (Avstriya) - 2:5

Xal durumu: "Zaltsburq" - 12, "Seltik" - 6, "Leyptsiq" - 6, "Rusenborq" - 0.

C qrupu

"Slaviya" (Çexiya) - "Kopenhagen" (Danimarka) - 0:0

"Bordo" (Fransa) - "Zenit" (Rusiya) - 1:1

Xal durumu: "Zenit" - 8, "Slaviya" - 7, "Kopenhagen" - 5, "Bordo" – 1.

D qrupu

"Fənərbağça" (Türkiyə) - "Anderlext" (Belçika) - 2:0

"Dinamo Zaqreb" (Xorvatiya) - "Spartak Trnava” (Slovakiya) - 3:1

Xal durumu: "Dinamo" - 12, "Fənərbağça" - 7, "Spartak" - 3, "Anderlext" - 1.

E qrupu

"Vorskla" (Ukrayna) - "Qarabağ" (Azərbaycan) - 0:1

"Arsenal" (İngiltərə) - "Sportinq" (Portuqaliya) - 0:0

Xal durumu: "Arsenal" - 10, "Sportinq" - 7, "Vorskla" - 3, "Qarabağ" - 3.

F qrupu

"Betis" (İspaniya) - "Milan" (İtaliya) - 1:1

"Olimpiakos" (Yunanıstan) - "Düdelanj" (Lüksemburq) - 5:1

Xal durumu: "Betis" - 8, "Milan" - 7, "Olimpiakos" - 7, "Düdelanj" - 0.

G qrupu

"Spartak" (Rusiya) - "Reyncers" (Şotlandiya) - 4:3

"Rapid" (Avstriya) - "Vilyarreal" (İspaniya) - 0:0

Xal durumu: "Vilyarreal" - 6, "Spartak" – 5, "Reyncers" - 5, "Rapid" – 4.

H qrupu

"Apollon" (Kipr) - "Ayntraxt" (Almaniya) - 2:3

"Latsio" (İtaliya) - "Marsel" (Fransa) - 2:1

Xal durumu: "Ayntraxt" - 12, "Latsio" - 9, "Apollon" - 1, "Marsel" - 1.

I qrupu

"Genk" (Belçika) - "Beşiktaş" (Türkiyə) - 1:1

"Malmö" (İsveç) - "Sarpsporq" (Norveç) - 1:1

Xal durumu: "Genk" - 7, "Malmö" - 5, "Sarpsporq" - 5, "Beşiktaş" – 4

J qrupu

"Akhisar" (Türkiyə) - "Sevilya" (İspaniya) - 2:3

"Krasnodar" (Rusiya) - "Standard" (Belçika) - 2:1

Xal durumu: "Sevilya" - 9, "Krasnodar" - 9, "Standard" - 6, "Akhisar" - 0.

K qrupu

"Astana" (Qazaxıstan) - "Yablonets" (Çexiya) - 2:1

"Dinamo Kiyev” (Ukrayna) - "Renn" (Fransa) - 3:1

Xal durumu: "Astana" - 8, "Dinamo" - 8, "Renn" - 3, "Yablonets" – 2.

L qrupu

BATE (Belarus) - Çelsi" (İngiltərə) - 0:1

"Videoton" (Macarıstan) - PAOK (Yunanıstan) - 1:0

Xal durumu: "Çelsi" - 12, "Videoton" - 6, BATE - 3, PAOK – 3.