“Ağ qızıl”a maraq artır
Ağsu tarixən iqtisadiyyatını aqrar sahənin hesabına quran, inkişaf etdirib gücləndirən bölgələrdəndir. Rayon Dövlət Aqrar İnkişaf Mərkəzinin direktoru Elxan Abdullayev deyir ki, uzun illər pambıqçılıqla məşğul olan və bu sahədə bir sıra uğurlar əldə edən Ağsuda pambıqçılıq yenidən dirçəlir: "Pambıqçılığın kənd təsərrüfatının inkişafında böyük rol oynadığını dönə-dönə bildirmiş ulu öndər Heydər Əliyev respublikaya rəhbərlik etdiyi 1970-ci illərdə bu sahəyə böyük önəm vermiş, pambığı neftlə müqayisə edərək "Neft qara qızıldırsa, pambıq ağ qızıldır” demişdir. Həmin dövrlərdə pambıqçılığa Ağsu rayonunda da xüsusi diqqət verilmişdir”.
Müsahibimiz bildirdi ki, 2017-ci ildə Ağsu rayonunda 2500 hektar sahədə pambıq əkilmiş, sahələrdən 2807,2 ton pambıq yığılmışdı. Toplanmış məhsulun 1690,2 tonu Ucar Pambıq Zavoduna, 1117 tonu "Ağsu Kənd Təsərrüfatı MMC” nəzdində fəaliyyət göstərən məntəqəyə təhvil verilmişdi. İstehsal olunan məhsula görə pambıqçılara 280,7 min manat subsidiya ödənilmişdi. Keçən il həmçinin rayonda pambıqçılığın inkişafı hesabına 5 mindən çox adam işlə təmin edilmişdi.
Cari ildə isə rayon üzrə 2600 hektar sahədə pambıq əkilib, 19 inzibati ərazi dairəsində 167 istehsalçı ilə müqavilə bağlanıb. Onu da qeyd edək ki, pambıq əkilən torpaqlar suvarılan ərazilərdir. Sahələrin suvarılması Yuxarı Şirvan kanalı, onun Ağsu Maşın qolu, Ağsu çayı, Girdiman çayı və Cavanşir su anbarı vasitəsilə həyata keçirilib. Məhsuldarlıq üzrə hədəf hər hektardan 20 sentnerdən çox məhsul toplamaqdır.
Artıq rayon üzrə 1700 tondan çox pambıq yığılıb. Məhsulun müəyyən hissəsi maşınlar vasitəsilə toplanıb. Yeri gəlmişkən, bu il rayonda pambıqçılıq hesabına 3500 nəfər işlə təmin edilib.
"P Aqro” MMC Ağsu filialının rəhbəri Cahangir Həsənov bildirdi ki, onlar əsasən yerlərdə pambıqçılığın inkişafına dəstək verirlər - pambıqçılıqla məşğul olan fermerlərlə müqavilə bağlayır, müqavilə öhdəliklərinə uyğun olaraq onları ilkin maliyyə vəsaiti və texniki vasitələrlə təmin edirlər.
C.Həsənov onu da vurğuladı ki, aqrar sektorun dövlət tərəfindən stimullaşdırılmasının əsas istiqamətlərindən biri də bəzi kənd təsərrüfatı avadanlıq, texnika və texnologiyalarına, materiallarına idxal gömrük rüsumlarında güzəştlərin tətbiq olunmasıdır. Bu güzəştlər ölkəmizdə kənd təsərrüfatı məhsulları istehsalının inkişaf etdirilməsində və istehsalın səmərəliliyinin yüksəldilməsində mühüm rol oynamaqla yanaşı, rəqabətqabiliyyətli kənd təsərrüfatı məhsulları istehsal etmək və onları xarici bazarlara çıxarmaq imkanı yaradır.
Əli SƏLİMOV,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Xocalının Malıbəyli kəndində aşkarlanmış insan qalıqlarının sayı 8-ə çatıb
25 Aprel
AZƏRBAYCAN RESPUBLİKASI PREZİDENTİ ADMİNİSTRASİYASININ VƏTƏNDAŞ QƏBULU MƏRKƏZİNDƏ 2024-cü ilin may a...
25 Aprel
Azərbaycan Respublikası Baş nazirinin müavini Şahin Mustafayevin Xidmətinin məlumatı
25 Aprel
Azərbaycanın Milli Qəhrəmanı Albert Aqarunovun xatirəsinə həsr olunmuş tədbir keçirilib
25 Aprel
Prezidentlər İlham Əliyev və Sadır Japarov Ağdamda Şahbulaq qalasında olublar YENİLƏNİB ...
25 Aprel
Abşeron-Xızı Regional Təhsil İdarəsi üzrə birinci sinfə qəbulla bağlı 11 alternativ qeydiyyat mərkəz...
25 Aprel
Azərbaycan və Qırğızıstan prezidentləri Ağdamın Xıdırlı kənd tam orta məktəbinin təməlqoyma mərasimi...
25 Aprel
Karlo Marino: COP29 Azərbaycan üçün öz potensialını dünyaya nümayiş etdirmək baxımından gözəl imkand...
25 Aprel
Azərbaycan və Qırğızıstan prezidentləri Ağdam Konfrans Mərkəzi ilə tanış olublar YENİLƏNİB ...
25 Aprel
Prezident İlham Əliyev və Prezident Sadır Japarov Ağdam Cümə məscidinin bərpadan sonra açılışında iş...
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!