06 Noyabr 2018 22:02
467
Mədəniyyət
A- A+

Beynəlxalq Teatr İnstitutu ilə Azərbaycan teatrları arasında münasibətlər müzakirə olunub


UNESCO-nun nəzdində fəaliyyət göstərən Beynəlxalq Teatr İnstitutunun (BTİ) prezidenti Mohamed Saif Əl-Əfham mədəniyyət naziri Əbülfəs Qarayevlə görüşüb.

Nazirlikdən AZƏRTAC-a bildirilib ki, görüşdə BTİ ilə Azərbaycan arasındakı mədəni əlaqələr müzakirə olunub, gələcəkdə bu əlaqələrin daha da möhkəmləndirilməsi məqsədilə yeni təkliflər irəli sürülüb.

Nazir Əbülfəs Qarayev Beynəlxalq Teatr İnstitutu ilə Azərbaycan teatrları arasında münasibətlərin mütəmadi olaraq inkişaf etdirilməsi və yeni mədəni layihələrin həyata keçirilməsinin vacibliyini vurğulayıb.

Mohamed Saif Əl-Əfham V Bakı Beynəlxalq Teatr Konfransı çərçivəsində ölkəmizdə olmasından məmnunluğunu bildirib.

Qonaq Əl-Füceyrədə keçirilən Beynəlxalq Monodram Forumunun rəhbəri kimi bu forumda Azərbaycanlı teatr xadimlərinin də iştirak etməsini zəruri sayıb.

Eyni zamanda, BTİ-nin Dünya Konqresinin 2020-ci ildə Azərbaycanda keçirilməsi məsələsi də müzakirə edilib.

Görüş V Bakı Beynəlxalq Teatr Konfransının əhəmiyyəti və gələcəkdə qarşılıqlı birgə layihələr mövzusunda müzakirələrlə davam edib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video