jpg-1713653616.jpg)
Almanların çoxu bu ölkədən çıxıb getmək istəyir...
Almanların çoxu bu ölkəni heç olmasa bir müddətə, bəziləri isə həmişəlik tərk etmək arzusundadır.
İctimai rəyi öyrənən YouGov İnstitutu tərəfindən aparılmış rəy sorğusunun Berlində dərc edilmiş nəticələrindən məlum olur ki, Almaniya sakinlərinin orta hesabla hər iki nəfərindən biri mühacir olmağa hazırdır.
AZƏRTAC həmin sorğu barədə hesabata istinadla xəbər verir ki, reprezentativ tədqiqat iştirakçılarının 55 faizi Almaniyadan bir müddət çıxıb getmək və ya xaricdə daimi məskunlaşmaq arzusundadır. Potensial mühacirlərin üçdəbir hissəsi Almaniyanı həmişəlik tərk etmək istədiyini bildirib. Respondentlərin 13 faizi iki ildən beş ilədək xaricdə yaşamağı təsəvvür edir. Sorğu iştirakçılarının 9 faizi ən çoxu bir il xaricdə qalmağa hazırdır. Sorğu iştirakçıları vurğulayıblar ki, Almaniyadan köçüb getmək istəyənlərin çoxu yaşı 65-dən yuxarı olanlardır. 18-24 yaşlarında gənclər xaricdə müvəqqəti yaşamağa maraq göstərir.
Sorğu iştirakçılarının çoxu Almaniyadan köçüb getmək istəyini daha sakit şəraitdə yaşamaq arzusu ilə izah edir. Mühacir olmağa hazırlaşan almanların 38 faizi başqa ölkələrdə stressiz həyat keçirməyə ümid edir. Mühacirət üçün digər əsaslar həyatın keyfiyyəti (33 faiz), hava şəraiti (31 faiz), həmçinin daha sabit siyasi şəraitdə yaşamaq və daha çox pul qazanmaq arzusudur. Sorğu iştirakçılarının çoxu bildirib ki, onların mühacirət məsələsinə münasibəti son illərdə dəyişib. Respondentlərin 29 faizi hələ iki il bundan əvvəl xaricə köçüb getməyə hazır deyildi.
Statistik tədqiqatlar onu da təsdiq edir ki, qocalıq illərini məsələn, Malyorkada qayğısız keçirmək istəyən almanlar, həm də bu arzularını fəal şəkildə həyata keçirir. Federal Statistika İdarəsinin bu mövzuya aid son məlumatlarına görə, məsələn, 2016-cı ildə Almaniyanın 281 min vətəndaşı xarici ölkələrdə qeydiyyata düşüb. Əvvəlki illərdə Almaniyanı uzun müddətə və ya həmişəlik tərk edənlərin sayı orta hesabla ildə 140 min nəfər olub. Federal Statistika İdarəsi bu cür kəskin artımı hesablama sistemindəki dəyişikliklərlə izah edir. Xarici ölkələrdə yaşayan və işləyən insanların dünyada ən böyük qeyri-rəsmi birliyi olan "InterNations” Beynəlxalq Təşkilatı alman mühacirlər arasında çoxluq təşkil edən insanların hansı tipə aid olduğunu aydınlaşdırıb. Bu təşkilatın təsnifatına görə, alman ekspatlar arasında xarici ölkələrdə karyera quranlar, xaricdə özünə həyat yoldaşı tapanlar, səyahət etməyi və macəra axtarmağı xoşlayanlar, həmçinin tələbələr daha çox rast gəlir.
"InterNations” təşkilatının tədqiqatında qeyd edilir ki, bütövlükdə alman ekspatlar immiqrantlar kütləsində seçilir. Almaniyadan başqa ölkələrə köçüb gedənlərin çoxu yüksəkixtisaslı mütəxəssislərdir. Məsələn, elə həmin "InterNations” təşkilatının məlumatına görə, alman ekspatların 27 faizi alimlik dərəcəsi almış şəxslərdir. Başqa ölkələrə köçüb gedən almanların öz yeni vətənlərinin dövlət dilini bilmə dərəcəsi orta səviyyədən yuxarıdır. "InterNations” təşkilatı tərəfindən "romantiklər” (sevgilisinə qovuşmaq üçün xaricə gedənlər) qrupuna daxil edilmiş almanlar arasında xarici dili yaxşı və ya çox yaxşı bilənlərin sayı 88 faizə qədərdir (dünya üzrə bu göstəricinin orta qiyməti 57 faizdir).
Alman ekspatlar arasında ən populyar ölkələr İsveçrə, Avstriya və Böyük Britaniyadır. Müxtəlif statistik tədqiqatlara görə, Almaniyadan köçüb gedən vətəndaşların üçdə iki hissəsi Avropada məskunlaşır. Bu baxımdan, uzaq ölkələr arasında ABŞ, Avstraliya, Çin və Kanada liderlik edir. Cənub ölkələri arasında Türkiyə, İspaniya, Fransa və İtaliya almanlar üçün daha populyardır. Onlar bu ölkələrə əlverişli iqlim şəraitinə və sakit həyat tərzinə görə köçüb gedirlər.
Almanlar daimi yaşamaq üçün Rusiyaya da köçüb gedir. Məsələn, Almaniya Federal Statistika İdarəsinin məlumatına görə, 2015-ci ildə AFR-dən Rusiyaya daimi yaşamaq üçün köçüb gedənləri 2341 nəfər olub. Bu, məsələn, İtaliyaya, Kanadaya və ya Tailanda köçüb gedənlərdən çoxdur.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
A.İ.İsmayılovun 3-cü dərəcəli "Vətənə xidmətə görə" ordeni ilə təltif edilməsi haqqında...
04:10
25 Aprel
25 Aprel
Azərbaycan Respublikasının Mülki Prosessual Məcəlləsində dəyişiklik edilməsi haqqında
04:10
25 Aprel
25 Aprel
"Təhsil haqqında" Azərbaycan Respublikasının Qanununda dəyişiklik edilməsi barədə" Azərbaycan Respub...
04:09
25 Aprel
25 Aprel
"Azərbaycan Yerüstü Nəqliyyat Agentliyinin fəaliyyətinin təmin edilməsi və Azərbaycan Respublikası P...
04:08
25 Aprel
25 Aprel
"RESPUBLİKA DİAQNOSTİKA MƏRKƏZİ" ASC-nin səhmdarlarının nəzərinə
04:07
25 Aprel
25 Aprel
"Azərbaycan Xəzər Dəniz Gəmiçiliyi" QSC-nin tabeliyində olan struktur idarələrə tələb olunan tikinti...
04:06
25 Aprel
25 Aprel
Husilər tərəfindən iki ticarət gəmisi və bir Amerika esminesi hücuma məruz qalıb
01:26
25 Aprel
25 Aprel
Bakıda Rusiya Kinosu Günlərinin təntənəli açılış mərasimi olub
23:47
24 Aprel
24 Aprel
Türkiyə XİN 1915-ci il hadisələri ilə bağlı bəyanat yayıb
23:45
24 Aprel
24 Aprel
COP29 Sədrliyi ölkə pavilyonlarının təşkili üzrə müraciətlərin qəbuluna başlayıb ...
23:41
24 Aprel
24 Aprel
DİQQƏT ÇƏKƏNLƏR
10 Aprel 2024Şuşanın nurlu gecələ...
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!
Video
