jpg-1713653616.jpg)
Sərhədçilərin girov götürülməsi İrana qarşı növbəti təxribatdır
Oktyabrın 15-də İranın Pakistanla sərhəd məntəqəsində naməlum silahlı qruplaşma tərəfindən girov götürülən 12 iranlı sərhədçinin taleyi hələ də naməlum qalır.
AZƏRTAC İran mətbuatına istinadən xəbər verir ki, İranın xarici işlər naziri Məhəmməd Cavad Zərifin geniş nümayəndə heyəti ilə Pakistana səfəri və burada keçirdiyi yüksək səviyyəli görüşlərdən sonra da sərhədçilərin tapılması istiqamətində aparılan axtarışlar nəticə vermir. M.C. Zərif Pakistana səfəri çərçivəsində baş nazir İmran Xan, xarici işlər naziri Şah Mahmud Kureş və Pakistan ordusunun qərargah rəisi general Kumar Cavad ilə də görüşərək bu məsələni müzakirə edib. Tərəflər səyləri birləşdirib axtarışları davam etmək qərarına gəliblər.
Lakin 12 əli silahlı hərbçinin sanki bir əşya kimi oğurlanıb aparılması və axtarışların nəticəsiz qalması ictimaiyyətdə haqlı sualların yaranmasına səbəb olub. Bəzi mətbuat orqanları hesab edir ki, bu da ABŞ-ın İran ilə Pakistan arasındakı münasibətləri pozmaq üçün növbəti oyunudur. Digərləri isə qeyd edirlər ki, sərhədçiləri narkotik qaçaqmalçılığı ilə məşğul olan silahlı dəstə qaçırıb. Üçüncülər isə yazırlar ki, sərhədçilərin arasında satqın olub. Həmin satqın nəzarət məntəqəsində keşik çəkən sərhədçilərin yeməyinə yuxu dərmanı qatıb və sərhədçilər yeməkdən sonra elə dərin yuxuya gediblər ki, oğurlandıqlarından xəbərləri belə olmayıb. Mətbuatın irəli sürdüyü variantlar həm ağlabatan, həm də mümkündür. Lakin müasir dövrdə- termal və elektron müşahidə cihazlarının olduğu bir zamanda bir qrup adamın müəyyən ərazidə yoxa çıxması yenə də suallar doğurur.
Meydana çıxan və cavabı olmayan sualların yaranmasına baxmayaraq M.C. Zərifin Pakistana səfəri zamanı keçirdiyi görüşlərdə vurğulanıb ki, hər iki dövlət münasibətlərin inkişafında maraqlıdırlar və sərhəd bölgəsində baş verən bu kimi neqativ hallara baxmayaraq rəsmi İslamabad və Tehran təxribatlara uymayacaqlar.
Tərəflərin bəyanatı və axtarışların birgə səylərlə davam etdirilməsi üçün əldə edilən razılaşma onu deməyə əsas verir ki, İrana ilə ABŞ münasibətlərinin gərginləşdiyi və sanksiyaların sərtləşdiyi bir dövrdə sərhədçilərin qaçırılması təsadüfi xarakter daşımır. Bu əməliyyat ciddi şəkildə düşünülərək planlaşdırılıb və iki məqsədə xidmət edir. Birinci məqsəd İran ilə Pakistanın münasibətlərini korlamaq, ikinci isə İran ordusunun qüdrətini şübhə altına salmaqdan ibarətdir. İran yenə də təmkinli addımlar ataraq təxribata uymadı. Xarici işlər naziri M.C. Zərifin Pakistana səfəri də onu göstərdi ki, sərhədçilərin qaçırılmasında güdülən maraq İrana aydın oldu. Odur ki, tərəflər qarşılıqlı ittihamlarda çəkinib birgə axtarışa qərar verdilər. Hələlik isə İran ilə Pakistanın sərhəd məntəqələrində nəzarət artırılıb və axtarışlar davam etdirilir.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Mətbuat xidmətlərinin rəhbərləri üçün “Böhran kommunikasiyası” mövzusunda təlim təşkil olunub ...
10:30
25 Aprel
25 Aprel
DİM sertifikasiya imtahanı materiallarının hazırlanması üçün mütəxəssisləri əməkdaşlığa dəvət edir...
10:22
25 Aprel
25 Aprel
Bakının bir sıra yollarında sıxlıq müşahidə olunur - SİYAHI
10:05
25 Aprel
25 Aprel
DİN: Ötən gün ölkə ərazisində 63 cinayətin üstü açılıb
10:01
25 Aprel
25 Aprel
Azərbaycan nefti bahalaşıb
10:01
25 Aprel
25 Aprel
Blinken: ABŞ və Çin ikitərəfli münasibətlərə məsuliyyətlə yanaşmalıdır
09:56
25 Aprel
25 Aprel
Vaşinqtonda “erməni soyqırımı” yalanlarına qarşı dinc aksiya keçirilib
09:55
25 Aprel
25 Aprel
Türkiyə kosmik düşərgəsində Vətən müharibəsinin şəhid uşaqları üçün kvota ayıracaq ...
09:54
25 Aprel
25 Aprel
Ağ ev: Rusiya nüvə başlığı daşıya bilən peyk hazırlayır
09:54
25 Aprel
25 Aprel
Azərbaycanlı rejissorun ekran əsəri Kann Film Festivalının qısametrajlı filmlər müsabiqəsinə seçilib...
09:49
25 Aprel
25 Aprel
DİQQƏT ÇƏKƏNLƏR
10 Aprel 2024Şuşanın nurlu gecələ...
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!
Video
