Bərəkətli bayram
Ölkəmizdə Kənd Təsərrüfatı İşçiləri Günü geniş qeyd olundu. Azərbaycanda da əsrlər boyu əhalinin böyük əksəriyyəti kəndlərdə yaşayıb, əkin-biçinlə, heyvandarlıqla məşğul olub. Ona görə də kənd adamı kimi bu bayramın hər birimizin qəlbində öz yeri, yurd-yuvası var. Çünki bu bayram həm də hər birimizə aid olan zəhmətlə, torpaqla, su ilə bağlıdır.
Biz yetişdirdiyimiz neməti müqəddəs ruzi kimi süfrəyə düzən, suya, çörəyə və əlinin qabarına səcdə edən bənzərsiz bir xalqıq. Yer adamıyıq, torpağa, onun bəxş etdiyi nemətlərə maddiyyatdan daha çox mənən bağlıyıq. Süfrəyə düzülən nemətlərə görə Tanrıya minnətdarlıq etməyimiz, birinci böyüyün çörəyə əl uzatmasını gözləməyimiz, elə süfrə arxasında bütün dünyanın aclarına və kasıblarına bolluq və xeyir-bərəkət arzulamağımız, çörək süfrədən götürülməmiş ayağa durmamağımız da mənəviyyatımızın müdrikliyinə işarədir.
Kəndli bütün varlığı ilə torpağa bağlıdır. O, qışda torpağın yuxuya gedib dincəlməsini, oyanıb yaza qol-qanad açmasını ana öz balasını hiss edən kimi duyur, başa düşür. Dünyada elə ölkələr olub ki, orada kəndli təhkimçi və bütün hüquqlarını itirmiş adam olub, onu mal-qarası ilə birlikdə satışa çıxarıblar, ya da qul kimi plantasiyalarda son nəfəsinədək işlədiblər. Öləndə də yeni qullarla əvəz ediblər. Onlar vətənsiz, yurdsuz olublar, ətraflarında nə varsa, hətta ayaqlarının altındakı torpaq belə onlara qənim kəsilib.
Azərbaycan kəndlisi isə, sadaladıqlarımızdan fərqli olaraq, həmişə ən azından mənəvi cəhətdən azad olub. Çünki o özünü mənən də olsa, üstündə gəzdiyi torpağın sahibi, yiyəsi sayıb. Hətta kolxozların, sovxozların çiçəkləndiyi sovet dönəmi də Azərbaycan kəndlisinin bu mənəviyyatını əlindən ala bilməyib.
Ölkəmiz müstəqilliyini bərpa etdikdən sonra yeni inkişaf yoluna qədəm qoyub. Dövlətin aqrar sektorda islahatlara başlaması ilə Azərbaycan kəndinin və kəndlisinin həyatında yeni dövr başlayıb. Ulu öndər Heydər Əliyevin rəhbərliyi ilə aparılan aqrar islahatlar onu bu dəfə torpağının əsl sahibinə çevirib. Dünən kolxozçu olmuş Azərbaycan kəndlisi indi nə və nə qədər əkib-becərdiyinə sərəncam verən fermerdir.
Bu gün kəndlərimizin siması da dəyişib. Yaxın keçmişdə adi işıq, təbii qaz və sudan korluq çəkən kəndlərimiz hazırda abadlığına görə müasir qəsəbələrdən geri qalmır. Onun bütün tələblərə cavab verən sosial infrastrukturu, istehsal olunan məhsulu saxlamaq üçün anbar və soyuducuları, hətta hələ istənilən sayda olmasa da, emal müəssisələri var. Kəndlilər istehsal etdikləri məhsulları bu gün rahat yollarla istədikləri ünvanlara aparıb sata bilirlər. Belə məhsulların isə həcmi və çeşidi ilbəil artır. Çünki dövlətin bir əli artıq neçə ildir kəndlinin üzərindədir. O, günü bu gün də saysız imtiyazlar və güzəştlərdən geninə-boluna yararlanır. Prezident İlham Əliyevin təşəbbüsü və səxavətlə ayırdığı vəsaitlə yaradılan müasir aqroparklar, nəhəng aqrokomplekslər isə Azərbaycanda kənd təsərrüfatının forma və məzmununu dəyişib, onu inkişaf etmiş ölkələrdə mövcud olan səviyyəyə qaldırıb.
Yalnız nadir və böyük iqtisadi imkanları olan ölkələr belə qısa müddət ərzində bu cür nəhəng işlər görə bilərdi. Bəziləri də elə fikirləşirdi ki, Azərbaycan kimi uzunmüddətli münaqişəyə təhrik edilən ölkənin dünya düzənində böyük uğurlara imza atması mümkün deyil. Amma biz qarşıya qoyduğumuz məqsədlərə nail olmuşuq. Azərbaycanın həm aqrar sektorda, həm də iqtisadiyyatın digər sahələrində qazandığı uğurlar bizi dünyanın sayılıb-seçilən ölkələrindən biri edib. Azərbaycan kəndlisi isə bu uğurların müəlliflərindən biridir və o, ölkə iqtisadiyyatında xüsusi çəkiyə və nüfuza malikdir. Onun arxasında Prezident İlham Əliyevin timsalında Azərbaycan dövləti dayanır.
Bahadur İMANQULİYEV,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Biz unutmuruq, tarix də unutmasın...
28 Mart
Taksilərin texniki göstəriciləri, daxili və xarici tərtibatına dair tələblər təsdiqlənib ...
28 Mart
BMT-nin İnkişaf Proqramı ilə gələcək əməkdaşlığa dair fikir mübadiləsi aparılıb
28 Mart
Dövlət orqanlarında vakant inzibati vəzifələrin tutulması məqsədilə daxili müsahibə elan edilir ...
28 Mart
Bakı şəhərətrafı dəmir yolu nəqliyyatı ilə sərnişindaşıma fəaliyyəti üzrə subsidiya verilməsi Qaydal...
28 Mart
Gürcüstanda ölüm halları artır - Statistika
28 Mart
Cənubi Afrika Respublikasının Prezidenti Matamela Siril Ramafozadan
28 Mart
Kənd Təsərrüfatı Nazirliyinin aparat rəhbəri Biləsuvarda vətəndaşları qəbul edib
28 Mart
Bayden Trampı 3 faiz fərqlə qabaqlayır - SORĞU
28 Mart
ABŞ Nümayəndələr Palatasının heyəti Türkiyəyə gələcək
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!