Miniatür Kitab Muzeyinin yeni nəşri
Son 15 ildə Azərbaycan dövlətinin keçdiyi inkişaf yolu xalqımızın sosial-mədəni həyatında da özünün geniş əksini tapmaqdadır. Artıq nəinki regionda, Avropa və dünyada söz sahibi olan Azərbaycanın bu yüksəlişi birbaşa dövlət başçısının daxili və xarici siyasətinin uğurlu nəticəsidir.
Cənab İlham Əliyevin növbəti dəfə dövlət başçısı seçilməsi xalqın öz iradəsinin ifadəsi kimi tarixin siyasi səhifələrinə zəngin faktlarla yazıldı. Cənab
İlham Əliyev 18 aprel 2018-ci il tarixində Milli Məclisdə and içərkən keçilən yola nəzər salaraq demişdir: "...Hələ 2003-cü ildə prezident seçkiləri ərəfəsində xalqa müraciət edərək demişdim ki, əgər mənə xalq etimad göstərərsə, mən ulu öndər Heydər Əliyev siyasətinə sadiq qalacağam, bu siyasəti davam etdirəcəyəm. Mən fəxr edirəm ki, xalq mənə inandı, məni dəstəklədi və mən də öz növbəmdə sözlərimə əməl etdim”...
Bu sətirlər Miniatür Kitab Muzeyinin nəşr etdirdiyi "İlham Əliyevin andiçmə mərasimində nitqi”ndəndir. Dünyada analoqu olmayan Miniatür Kitab Muzeyi dövlət başçısının andiçmə mərasimində söylədiyi nitqini nəfis tərtibatda oxuculara təqdim edib.
Miniatür Kitab Muzeyinin Bakıda fəaliyyət göstərməsi də ulu öndər Heydər Əliyevin mədəniyyətə qayğısının nəticəsidir. Muzeyin ölkəmizə səfər edən əcnəbi qonaqlarının daim diqqətini özünə cəlb etməsi də təsadüfi deyil. Bu muzeydə dünyanın məşhurları haqqında söz açan və nadir hesab edilən incilər qorunub saxlanır. Fəaliyyət göstərdiyi illər ərzində Azərbaycan tarixi və mədəniyyətinin təbliğatçısına çevrilən muzeyin vaxtaşırı nəşr etdiyi miniatür kitablar beynəlxalq miqyasda tanınır və yüksək dəyərləndirilir.
Bu il də muzey ənənəsinə sadiq qalıb: Azərbaycan Prezidenti İlham Əliyevin 18 aprel 2018-ci il tarixində Milli Məclisdəki andiçmə mərasimindəki nitqi Azərbaycan, rus və ingilis dillərində, 38x53 mm ölçüdə, 384 səhifədən ibarət miniatür kitab şəklində işıq üzü görüb. Yeni nəşrdə 9 fotoşəkil yerləşdirilib.
Xüsusi tərtibatlı, zəngin məlumatlı, supercildli, "İndiqo” mətbəəsində 100 nüsxədən ibarət nəşr edilən "İlham Əliyevin andiçmə mərasimində nitqi” kitabının forzasında Azərbaycan xəritəsinin verilməsi diqqəti ilk andaca cəlb edir. Supercildin üz qabığında Prezident
İlham Əliyevin 18 aprel 2018-ci il tarixində Milli Məclisdəki andiçmə mərasimindən şəkli verilib.
Xatırladaq ki, Miniatür Kitab Muzeyi kolleksiyası dünyada zənginliyi ilə seçilir və birinci yerdədir. Məhz ona görə "Ginnes Dünya Rekordları” kitabına daxil edilib. 30 ildən artıq müddətə formalaşan və 38 şüşə vitrində sərgilənən kolleksiyaya dünyanın 70-ə yaxın ölkəsində nəşr edilən 5700-dən çox miniatür kitab daxildir.
Məhəmməd NƏRİMANOĞLU,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
“Bayden yəhudilərə nifrət edir” - Trampdan açıqlama
25 Aprel
23 İŞİD üzvü saxlanıldı - Türkiyədə
25 Aprel
Təbrizdə Ermənistanın Baş konsulluğu açılacaq - QƏRAR
25 Aprel
Ukrayna ərazilərini buna görə itirib - Ağ Evdən AÇIQLAMA
25 Aprel
Hiss edirəm ki, qızıl medalla qayıdacam - Murad Fətiyev
25 Aprel
Keçmiş məcburi köçkünlərin müraciətləri dinlənilib
25 Aprel
Türkiyənin “ASELSAN” şirkəti ixrac həcmini 1 milyard dollara çatdırmağı planlaşdırır ...
25 Aprel
Qırğızıstan Prezidenti Sadır Japarovun Azərbaycana dövlət səfəri başa çatıb
25 Aprel
Milli Məclisin sədri Türk Dövlətləri Parlamentlərinin Xarici Əlaqələr Komitələri sədrlərinin iclasın...
25 Aprel
Türkiyənin Kahramanmaraş Sütcü İmam Universiteti ilə Azərbaycan Tibb Universiteti arasında birgə elm...
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!