30 Oktyabr 2018 12:22
1115
Səhiyyə
A- A+

Körpələrin ağız boşluğunda yaranan göbələk və onunla mübarizə


El arasında ağızgəlmə, süd yarası, bəzən də pambıqca kimi tanınan xəstəlik əslində ağız boşluğunun selikli qişasının göbələklə zədələnməsidir. Ağız boşluğu və uşaqlıq yolunda göbələklər daim olur, lakin normal immun sistemi və mikroorqanizmlər onların inkişafının, xəstəlik törətməsinin qarşısını alır. Hər hansı səbəbdən immunitet zəifləyən zaman daimi olaraq ağız boşluğunda yaşayan göbələklərin inkişafı və artıb çoxalması üçün münbit şərait yaranır, xəstəlik baş qaldırır.

Bu barədə AZƏRTAC-a məlumat verən Bakı şəhər 4 nömrəli uşaq poliklinikasının həkim-pediatrı Məlahət Qasımova deyib: "Xəstəlik yeni doğulan körpələrdə daha çox müşahidə olunsa da, ona bir yaşına qədər uşaqlar və bəzən böyüklər arasında da rast gəlinir. Körpələr göbələyə əvvəlcə ananın doğuş yollarında, sonralar isə qidalanmada istifadə olunan əmziklər vasitəsilə yoluxur. Həyatın ilk həftələrində immun sisteminin tam formalaşmaması səbəbindən yenidoğulmuşlarda xəstəlik özünü tez-tez büruzə verir. Böyüklərdə antibiotiklərdən qeyri-düzgün istifadə, hormonal pozulmalar, keçirilmiş ağır xəstəliklərdən sonra və hamiləlik zamanı göbələk infeksiyası baş qaldırır. Şəkərli içkilərdən daim istifadə etmək də ağız boşluğunda göbələklərin inkişafı üçün münbit şərait yaradır”.

Həkim xəstəliyin əlaməti olaraq əvvəlcə körpənin dilinin üstündə, yanaqlarının içəri səthində, damaq və dodaqlarında ağ, pambığabənzər ərpin əmələ gəldiyini deyib: "İlk baxışdan adi ərp kimi görünsə də, qoparmağa çalışanda altdakı selikli qişa qanayır və yanıq təsiri bağışlayır. Əmmə və udma aktı kifayət qədər ağrılı olur. Körpə qidadan imtina edir, narahatlıq keçirir və yata bilmir. Valideynlərin əsas narahatlığı körpədə qidalanmanın zəifləməsi və çəki artımının ləngiməsindən olur. Vaxtında və düzgün müalicə aparılanda bir həftəyə qədər sağalma müşahidə olunur, əlamətlər aradan qalxır. Müalicə olunmayanda və ya düzgün aparılmayanda proses daha da genişlənir, ərplər yumşaq damağa və əsnəyə yayılır. Hətta göbələk infeksiyası bağırsaqlarda disbakterioz yaradacaq dərəcədə geniş sahəni əhatə edir. Müalicə əsasən göbələk əleyhinə preparatlarla aparılır”.

Müalicə ilə yanaşı aparılan profilaktik tədbirlər barədə danışan pediatr deyib: "Ana südü ilə qidalanmanı davam etdirmək, döş giləsinin təmizliyinə xüsusi fikir vermək və onu daim quru saxlamağa çalışmaq lazımdır. Çünki nəmli mühitdə göbələklərin inkişafı üçün münbit şərait yaranır. Hər dəfə uşağa süd verməzdən əvvəl ana əllərini sabunla yumalı, körpənin qidalanmasında istifadə olunan əşya və əmziklər daim təmiz və steril olmalıdır.

XIX əsrdə yaşamış fransız alimi Klod Bernar deyib ki, mikrob heç nədir, mühit isə hər şeydir. Orqanizmdə turş-qələvi mühit pozulanda göbələk uçun əlverişli turş mühit yaranır. Onun yaranmasının əsas səbəbi çoxlu şəkər, un məmulatları və hətta inək südünün qəbul edilməsidir. Ona görə də uşağa süd verən ana sağlam qidalanmalıdır. Körpə süni gidalanırsa, tərkibində inək südü olan qarışıqdan imtina etmək lazımdır”.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video