25 Oktyabr 2018 20:54
1086
PARLAMENT
A- A+

Azərbaycan-Uruqvay parlamentlərarası əlaqələrinin inkişaf perspektivləri müzakirə olunub


Oktyabrın 25-də Milli Məclisin sədri Oqtay Əsədov VI Bakı Beynəlxalq Humanitar Forumunda iştirak etmək üçün ölkəmizdə səfərdə olan Uruqvay Nümayəndələr Palatasının sədri Xorxe Qandininin başçılıq etdiyi nümayəndə heyəti ilə görüşüb.

AZƏRTAC xəbər verir ki, Oqtay Əsədov Xorxe Qandininin bu səfərinin ölkələrimiz arasında əlaqələrin daha da inkişafına töhfə verəcəyinə əminliyini bildirib. Qeyd edib ki, bu, Uruqvay parlamenti səviyyəsində Azərbaycana həyata keçirilən sayca üçüncü səfərdir.

Siyasi münasibətlərimizin inkişaf etdiyini vurğulayan Milli Məclisin sədri Azərbaycanın Uruqvayla həyatın digər sahələrində də əlaqələrin dərinləşməsində maraqlı olduğunu söyləyib. Bildirilib ki, ölkələrimiz arasında iqtisadi sahədə də əməkdaşlıq inkişaf edir. Ancaq biz gələcəkdə ticari göstəricilərimizi əhəmiyyətli dərəcədə yüksəltmək niyyətindəyik. Bu istiqamətdə hazırda müvafiq işlər görülür. Enerji, kənd təsərrüfatı və digər sahələrdə də əməkdaşlıq üçün əlverişli imkanlar mövcuddur.

Spiker hər iki ölkə parlamentində dostluq qruplarının fəaliyyət göstərməsini təqdir edib. O, nümayəndə heyətlərimizin BMT, Parlamentlərarası İttifaq və digər nüfuzlu beynəlxalq qurumlar çərçivəsində görüşlərinin, aparılan fikir mübadiləsinin əhəmiyyətli olduğunu söyləyib. Bildirilib ki, bu gün Şərqlə Qərbi, Şimalla Cənubu birləşdirən mühüm nəqliyyat layihələrinin təşəbbüskarı olan Azərbaycan iri transmilli neft və qaz layihələrinin də reallaşmasında birbaşa iştirak edir.

Sədr Ermənistan-Azərbaycan Dağlıq Qarabağ münaqişəsindən də söz açaraq problemin ədalətli həllində beynəlxalq birliyin dəstəyinə ümid etdiyini bildirib.

Xorxe Qandini ölkəmizə səfərindən və Humanitar Forumda iştirakından məmnunluq duyduğunu vurğulayıb. Qonaq Azərbaycan parlamentində deputatların fəaliyyəti üçün yaradılmış şəraiti yüksək dəyərləndirib. O, dostluq qrupu üzvlərinin və parlament nümayəndə heyətlərinin qarşılıqlı səfərlərinin əhəmiyyətini vurğulayıb. Özünü Azərbaycanın dostu adlandıran Xorxe Qandini Uruqvayın Qafqazın bu bölgəsinə böyük maraq göstərdiyini deyib.

Görüşdə Milli Məclis sədrinin birinci müavini Ziyafət Əsgərov, Uruqvayla parlamentlərarası əlaqələr üzrə işçi qrupun başçısı Mixail Zabelin və digər rəsmi şəxslər iştirak ediblər.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video