23 Oktyabr 2018 16:10
263
DÜNYA
A- A+

Rəcəb Tayyib Ərdoğan: Camal Kaşıkçı planlaşdırılmış cinayətin qurbanı olub


Jurnalist Camal Kaşıkçının öldürülməsi faktı sübut olunub və cinayətin əvvəlcədən planlaşdırıldığı müəyyən edilib.
AZƏRTAC Anadolu informasiya agentliyinə istinadla xəbər verir ki, bunu Türkiyə Prezidenti Rəcəb Tayyib Ərdoğan parlamentdə çıxışı zamanı bildirib.
"Qətlin dəqiqliklə planlaşdırılmasına dair sübutlar mövcuddur. Oktyabrın 1-də (qətldən bir gün öncə) İstanbula Səudiyyə Ərəbistanı vətəndaşlarından ibarət üç qrup gəlib. Onlar baş konsulluqda olub, həmçinin Belqrad meşəsinə və Yalova əyalətinə kəşfiyyata gediblər”, - deyə prezident vurğulayıb.
Türkiyə liderinin sözlərinə görə, Ər-Riyaddan gələn mütəxəssislər Camal Kaşıkçının öldürüldüyü gün Baş konsulluqdakı bütün video-müşahidə sistemlərini söndürüb, sərt disklərdəki faylları siliblər.
Rəcəb Tayyib Ərdoğan Ər-Riyada Səudiyyə Ərəbistanında həbs olunan şəxslərin İstanbulda məhkəmə qarşısına çıxarılmasını təklif edib: "Mən Səudiyyə Ərəbistanı kralının ədalətli olduğuna şübhə etmirəm. Biz sonadək vəziyyətin gedişini nəzarətdə saxlayacağıq. Hadisə İstanbulda baş verdiyi üçün krala və Səudiyyə Ərəbistanı rəhbərliyinə Ər-Riyad tərəfindən həbs olunan 18 şəxsin burada mühakimə olunmasını təklif edirəm”.
Bir qədər əvvəl Türkiyənin bəzi KİV-ləri "Vətən” partiyasının rəhbəri Doğu Perinçekə istinadla Səudiyyə Ərəbistanının İstanbuldakı Baş konsulluğunun ərazisindəki quyuda jurnalist Camal Kaşıkçının cəsədinin fraqmentlərinin aşkarlandı barədə məlumat yayıb. Hələlik bu informasiya rəsmən öz təsdiqini tapmayıb.
Xatırladaq ki, Camal Kaşıkçı oktyabrın 2-də sənədləşmə ilə bağlı Səudiyyə Ərəbistanının İstanbuldakı baş konsulluğunda gəlmiş və həmin vaxtdan itkin düşmüşdü. Oktyabrın 20-də Səudiyyə Ərəbistanının baş prokurorluğu jurnalistin konsulluqda öldüyünü təsdiqləmiş və buna diplomatik missiyada yaranan mübahisənin səbəb olduğunu bildirmişdi.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video