Prezident İlham Əliyev: “Bizim gənclərimiz bilikli olmalıdırlar ki, həyatda özlərinə layiqli yer tutsunlar”
"İlham Əliyev. İnkişaf - məqsədimizdir” çoxcildliyinin 70-ci kitabı çapdan çıxıb
"Bizim gənclərimiz bilikli, savadlı olmalıdırlar ki, həyatda özlərinə layiqli yer tutsunlar və eyni zamanda, ölkəmizin ümumi inkişafına da töhfələrini versinlər. Bilikli, savadlı cəmiyyətdə heç bir xoşagəlməz təsirin əhəmiyyəti olmayacaqdır. Çünki biz görürük ki, bu gün dünyada bəzi hallarda ideoloji müharibələr gedir, əsasən də gənclərlə bağlı xüsusi proqramlar icra edilir. Qloballaşma adı ilə müxtəlif ölkələrdə müəyyən tədbirlər görülür. Nəticə etibarilə bu, ölkələrdə problemlərə gətirib çıxarır. Biz çalışmalıyıq ki, Azərbaycanın dayanıqlı, uğurlu inkişafını əbədi edək. Çünki biz bu gün dünyada inkişafla bağlı öz modelimizi ortaya qoymuşuq. Bu gün dünyada Azərbaycanın inkişaf modeli haqqında danışılır. Bu modelin əsasında bizim müstəqilliyimiz, milli dəyərlərimiz, vətənpərvərliyimiz və müstəqil siyasətimiz dayanır”.
AZƏRTAC xəbər verir ki, "İlham Əliyev. İnkişaf - məqsədimizdir” çoxcildliyinin yenicə çapdan çıxmış 70-ci kitabında yer alan bu fikirləri dövlət başçısı 2015-ci il sentyabrın 15-də Sabunçu rayonunda əsaslı şəkildə yenidən qurulan 148 saylı tam orta məktəbin açılışı mərasimində söyləyib.
Azərbaycan Respublikası Prezidenti Administrasiyasının rəhbəri akademik Ramiz Mehdiyevin buraxılışına məsul olduğu çoxcildliyin 70-ci kitabındakı materiallar 2015-ci ilin iyulundan oktyabr ayınadək olan dövrü əhatə edir.
Nəşrdə Prezident İlham Əliyevin Azərbaycana səfərə gəlmiş Avropa İttifaqı Şurasının Prezidenti Donald Tuskla, Çex Respublikasının Prezidenti Miloş Zemanla keçirdiyi görüşlərə, birgə mətbuat konfranslarında bəyanatlarla çıxışlarına, dövlət başçısının Azərbaycan-Çex biznes-forumunda çıxışına, habelə Azərbaycan-Çex arasında sənədlərin imzalanmasına dair informasiyalar toplanıb.
Kitabda Azərbaycan Prezidentinin Qazaxıstan Respublikasına işgüzar səfərləri çərçivəsində Qazax xanlığının 550 illik yubileyi münasibətilə Astanada keçirilən təntənəli mərasimdə iştirakı, Qazaxıstan Prezidenti ilə görüşü barədə materiallar, Türkdilli Dövlətlərin Əməkdaşlıq Şurasının V Sammitində, Akmola vilayətinin Burabay qəsəbəsində MDB Dövlət Başçıları Şurasının iclasında çıxışlarının mətnləri də yer alıb.
Azərbaycan Prezidentinin Rusiya, Türkiyə, Serbiya, Türkmənistan, Macarıstan və digər dövlətlərin, Beynəlxalq Miqrasiya Təşkilatının, Dünya Gömrük Təşkilatının, Avropa İttifaqının ölkəmizə səfər etmiş yüksəkvəzifəli şəxslərini qəbul etməsini, Türkdilli Dövlətlərin Xüsusi Xidmət Orqanları Konfransının 18-ci iclasının iştirakçıları ilə görüşünü əks etdirən materiallarla bu kitabda tanış olmaq mümkündür.
Nəşrdə dövlət başçısının IV İslam Həmrəyliyi Oyunlarına hazırlıq məqsədilə yaradılmış Təşkilat Komitəsinin birinci iclasında çıxışının mətni, beynəlxalq idman ictimaiyyətinin nümayəndələri ilə görüş və danışıqlarına dair informasiyalar da toplanıb.
Kitaba ölkə rəhbərinin iqtisadi məsələlərə və 2016-cı ilin dövlət büdcəsinin hazırlığı işlərinə həsr edilmiş müşavirədə çıxışının, Nazirlər Kabinetinin 2015-ci ilin doqquz ayının sosial-iqtisadi inkişafının yekunlarına və qarşıda duran vəzifələrə həsr olunmuş iclasında nitqlərinin mətnləri daxil edilib.
Oxucu bu cilddə Prezident İlham Əliyevin Siyəzən-Məşrif avtomobil yolunun, Şabran rayonunda beynəlxalq müalicə və istirahət kompleksinin, Cəlilabad, Xızı, Siyəzən, Kürdəmir, Ağsu, Ucar, Göyçay rayonlarına səfərləri zamanı nəqliyyat və sosial infrastruktur, habelə mədəniyyət obyektlərinin, Gənclər mərkəzlərinin açılışlarında iştirakı, ictimaiyyət nümayəndələri ilə görüşləri, Bakının küçələrində abadlıq və yenidənqurma, təhsil müəssisələrində təmir və yenidənqurma işlərindən sonrakı vəziyyətlə tanışlığı, Respublika Əlillərin Bərpa Mərkəzinin əsaslı yenidənqurmadan sonra açılışı mərasimində iştirakı barədə materiallarla da tanış ola bilər.
Nəşrə dövlət başçısının Dərbənd şəhərinin 2000 illiyinə həsr edilmiş təntənəli tədbirin və Dünya Tarixçilərinin VIII Beynəlxalq Atatürk Konfransının iştirakçılarına təbrik məktubları və digər məktublar daxil edilib.
Kitabda "Qeydlər”, "Şəxsi adlar”, "Coğrafi adlar” göstəriciləri də verilib.
"Azərnəşr” tərəfindən buraxılan 70-ci kitabın hazırlanmasında Azərbaycan Dövlət İnformasiya Agentliyinin materiallarından istifadə olunub.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
“SpaceX” qlobal internet şəbəkəsinə aid daha 22 peyki orbitə çıxarıb
19 Mart
Qazaxıstan Xəzər dənizində hərbi təlimlər keçirib
19 Mart
Ədliyyə naziri Saatlıda vətəndaşları qəbul edib
19 Mart
Hərbi Prokurorluq işçiləri Müdafiə Nazirliyinin yüksəkrütbəli vəzifəli şəxsləri ilə birgə Novruz bay...
19 Mart
Türkiyədə fəlakət zonasındakı sakinlər hər ay 15 min evlə təmin ediləcək
19 Mart
Ölkənin əksər bölgələrinə yağış, dağlıq rayonlara qar yağıb
19 Mart
Azərbaycan nefti bahalaşıb
19 Mart
Sabahdan Azərbaycanda 7 günlük Novruz tətili başlayır
19 Mart
Mövcud hava şəraiti ilə bağlı sürücülərə müraciət edilib
19 Mart
Braziliyada hiss edilən temperatur 62 dərəcə Selsini keçib
19 Mart
DİQQƏT ÇƏKƏNLƏR
Dostluqdan müttəfiqliyə14 Mart 2024
Azərbaycan islamofobiya ilə mübarizədə öndə gedir12 Mart 2024
Prezident İlham Əliyev və Prezident Kasım-Jomart Tokayev mətbuata bəyanatlarla çıxış ediblər YENİLƏN...11 Mart 2024
Mərhəmətin zərif rəmzi08 Mart 2024
Yüksək beynəlxalq etimadın növbəti nümunəsi07 Mart 2024
ÇOX OXUNANLAR
Hücum diplomatiyasından hücum taktikasına14 Mart 2024
Azərbaycan və Qazaxıstan enerji sahəsində də birgə addımlayır13 Mart 2024
Kasım-Jomart Tokayev: Qazaxıstan və Azərbaycan əməkdaşlığın yeni dövrünə qədəm qoyur10 Mart 2024
Azərbaycan beynəlxalq "yaşıl enerji" mərkəzinə çevrilir10 Mart 2024
Xoşbəxt qadın güclü cəmiyyətin təməlidir08 Mart 2024
Albaniya Azərbaycanın dəstəyini yüksək dəyərləndirir06 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!