20 Oktyabr 2018 10:42
442
DÜNYA
A- A+

Səudiyyə Ərəbistanı Qaşıqçının öldürüldüyünü etiraf etdi


Səudiyyə Ərəbistanının hakimiyyət orqanları səudiyyəli jurnalist Camal Qaşıqçının krallığın İstanbuldakı baş konsulluğunda öldürüldüyünü təsdiqləmişdir. Bu barədə krallığın baş prokuroru Səud Müacib məlumat vermişdir.

Baş prokurorun bəyanatında deyilir ki, ilkin istintaqın nəticələrinə görə, Qaşıqçı konsulluqda olarkən onunla bir neçə adam arasında yaranmış münaqişə əlbəyaxa davaya çevrilmiş və jurnalistin ölümünə gətirib çıxarmışdır. Müacib bildirmişdir ki, hazırda istintaq davam edir. Ölkənin 18 vətəndaşı təhqiqata cəlb olunmuşdur. Baş prokuror vurğulamışdır ki, cinayətdə əli olanların hamısı məhkəmədə qanun qarşısında cavab verəcək.

Eyni zamanda Səudiyyə Ərəbistanı Kralının fərmanı ilə ölkənin Baş Kəşfiyyat İdarəsi rəisinin müavini, general Əhməd Əsiri vəzifəsindən kənarlaşdırılmışdır. Bundan başqa, xüsusi xidmət orqanlarının üç yüksək vəzifəli əməkdaşı işdən çıxarılmışdır.

ABŞ Prezidenti Donald Tramp Qaşıqçının ölümü barədə Səudiyyə Ərəbistanı hakimiyyət orqanlarının bəyanatına münasibət bildirmişdir. O bildirmişdir ki, "bizim səudiyyəlilərə bir sıra suallarımız olacaq”. Tramp qeyd etmişdir ki, jurnalistin öldürülməsi ilə əlaqədar Vaşinqton Ər-Riyada qarşı "müəyyən sanksiyalar” tətbiq edəcək, amma Səudiyyə Ərəbistanına silah satışı sazişini qoruyub saxlamağı üstün tutacaq.



Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video