16 Oktyabr 2018 13:21
255
DÜNYA
A- A+

“Foreign Policy”: Ermənistanda “inqilabdan sonrakı” şadyanalıq başa çatıb


ABŞ-da nəşr olunan "Foreign Policy” jurnalında Ermənistanda korrupsiya və siyasi qarşıdurmalar barədə məqalə dərc edilib.
AZƏRTAC-ın məlumatına görə, müəllif Maksim Edvards "Ermənistanda "inqilabdan sonrakı” şadyanalıq başa çatıb” adlı məqaləsində yazır ki, bu ilin iyununda Ermənistan Milli Təhlükəsizlik Xidmətinin agentləri Manvel Qriqoryanın Eçmiədzin şəhərinin hüdudlarından kənarda yerləşən mülkünə baxış keçiriblər. Silahlar və retro avtomobil kolleksiyası ilə yanaşı, həmçinin Ermənistanın təcavüz etdiyi Azərbaycan ərazilərində qeyri-qanuni xidmətdə olan erməni əsgərlərinin ərzaq payları aşkar edilib. Bildirilir ki, mülk sahibi bu hərbi payları və ərzağı öz şəxsi zooparkındakı heyvanları yemləmək üçün istifadə edirmiş. Müəllif qeyd edir ki, 30 faizi yoxsulluq həddindən də aşağı yaşayan erməni xalqı üçün bu, bir şok oldu. Manvel Qriqoryan hərbçi və 1999-cu ildən Ermənistanın sabiq prezidenti Serj Sarkisyanın Respublikaçılar partiyasından seçilmiş deputat idi.

Nikol Paşinyanın hakimiyyətə gəlişindən sonra Sarkisyan klanı üzvlərinin, o cümlədən Sarkisyanın qardaşının və cangüdəninin həbslərinə başlanılıb. Edvards qeyd edir ki, 2008-ci il 1 mart hadisələri ilə bağlı sabiq prezident Robert Koçaryana qarşı da cinayət işi qaldırılıb. O vaxt erməni polisi Yerevanın mərkəzində saxta prezident seçkilərinə qarşı etiraz edən dinc əhaliyə divan tutmuşdu. Bu seçkilər nəticəsində Sarkisyan hakimiyyətə gəlmişdi. Həmin gün 10 nəfər öldürülüb.

Məqalədə Eçmiədzin şəhərinin bütün administrasiyasına və iqtisadiyyatına nəzarət edən general Qriqoryan və onun ailəsi və Ermənistanın paytaxtına 2011-ci ildən rəhbərlik edən Yerevanın meri Taron Marqaryan barədə danışılır. Müəllif, habelə Paşinyan və Respublikaçılar partiyası arasında ölkə parlamentində davam edən qarşıdurmadan bəhs edib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video