12 Oktyabr 2018 18:17
639
Təhsil
A- A+

İsveçrənin Friburq Universitetində “Azərbaycan qadınları” adlı kitabın təqdimatı keçirilib


Azərbaycanda qadınlara səsvermə hüququnun verilməsinin 100 illiyi münasibətilə oktyabrın 11-də İsveçrə Konfederasiyasının Friburq Universitetində Ailə, Qadın və Uşaq Problemləri üzrə Dövlət Komitəsi tərəfindən nəşr olunan, fransız müəllif Jan Lui Quronun qələmə aldığı "Azərbaycan qadınları” kitabının təqdimat mərasimi keçirilib.

AZƏRTAC xəbər verir ki, Ailə, Qadın və Uşaq Problemləri üzrə Dövlət Komitəsinin sədri Hicran Hüseynovanın və müəllif Jan Lui Quronun iştirak etdikləri təqdimat mərasimində Friburq Universitetinin müəllim və tələbə heyəti, Azərbaycan Respublikasının İsveçrə Konfederasiyası və Lixtenşteyn Knyazlığındakı səfiri Xanım İbrahimova da qatılıb.

Təqdimat mərasimində Hicran Hüseynova Azərbaycan qadınlarının keçmişi və bu gününə dair geniş məlumat verib və cari ildə Azərbaycan Xalq Cümhuriyyətinin yaradılmasının və eyni zamanda, ölkəmizdə qadınlara səsvermə hüququnun verilməsinin 100 illik yubileylərinin qeyd edildiyini diqqətə çatdırıb.

Hicran Hüseynova Azərbaycanın Birinci vitse-prezidenti Mehriban Əliyevanın rəhbərliyi altında qadın siyasətinə dair bir sıra vacib qanun layihələrinin zamanında hazırlanaraq parlamentə təqdim edildiyini və onun ictimai-siyasi, mədəni və bir sıra digər sahələrdəki fəaliyyətinin qadınlara daim örnək olduğunu diqqətə çatdırıb.

Azərbaycanda qadınların ölkənin ictimai-siyasi və eləcə də digər sahələrdə fəal rola malik olduqlarını qeyd edən Komitə sədri ölkəmizdə qadınların hazırda nəinki dövlət qurumlarında, həmçinin idman sahəsində fəal olduqlarını, Olimpiya medallarına layiq görülən idmançı qadınların sayının artdığını bildirib.

Təqdimat mərasimində müəllif Jan Lui Quro çıxış edərək "Azərbaycan qadınları” kitabının iki cilddə - "Keçmişin qadınları” və "Bu günün qadınları” başlıqlı olduğunu qeyd edib. Müəllif keçmiş zamanlardan bəri Azərbaycan qadınlarının cəmiyyətdə fəal rol oynadığını vurğulayıb.
Sonda auditoriyanın sualları cavablandırılıb. Kitablar Friburq Universitetinə təqdim olunub.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video