10 Oktyabr 2018 20:43
386
SİYASƏT
A- A+

Corc Kent: Azərbaycan regionda təhlükəsizliyin təmin olunmasında mühüm rol oynayan ölkədir


Oktyabrın 10-da ABŞ Dövlət katibinin Avropa və Avrasiya məsələləri üzrə köməkçisinin yeni təyin olunmuş müavini Corc Kent ölkəsinin Azərbaycandakı səfirliyində səfərinin yekunlarına dair mətbuat konfransı keçirib.

AZƏRTAC xəbər verir ki, Corc Kent Azərbaycanda bir sıra yüksək səviyyəli görüşlər keçirdiyini, görüşlərdə ABŞ-Azərbaycan münasibətlərinə və Dağlıq Qarabağ münaqişəsinin həlli yollarına dair müzakirələrin aparıldığını bildirib.

Azərbaycan və Ermənistan xarici işlər nazirlərinin Nyu-Yorkdakı görüşünü və Azərbaycan Prezidenti ilə Ermənistanın baş nazirinin Düşənbədəki söhbətini xatırladan C.Kent bu cür təmasların önəmli olduğunu qeyd edib.

Azərbaycanın münaqişənin sülh yolu ilə nizamlanmasında maraqlı olduğunu söyləyən Corc Kent bildirib ki, ABŞ ATƏT-in Minsk qrupunun həmsədrlərindən biri kimi, münaqişənin Madrid prinsipləri əsasında nizamlanması üzrə öhdəliklərinə ciddi yanaşır.

O, Dağlıq Qarabağ münaqişəsinin Helsinki Yekun Aktının prinsiplərinə əsaslanan dinc həllinin vacibliyini vurğulayaraq qeyd edib ki, ölkəsi ATƏT-in Minsk qrupunun həmsədrlərinin münaqişə zonasında gərginliyin azaldılması və problemin dinc yolla həllinin əldə olunması istiqamətindəki səylərini alqışlayır. Onun sözlərinə görə, ATƏT-in Minsk qrupu həmsədrlərinin oktyabr ayının sonuna regiona səfəri gözlənilir.

C.Kent Azərbaycan-ABŞ münasibətlərindən danışaraq, Azərbaycanın Əfqanıstanda sülhməramlı əməliyyatlara töhfəsini xüsusi qeyd edib. ABŞ-ın Azərbaycan ilə münasibətlərin daha da inkişafında maraqlı olduğunu söyləyən C.Kent bildirib ki, Azərbaycan regionda təhlükəsizliyin təmin olunmasında mühüm rol oynayan ölkədir.

Azərbaycanın təşəbbüsü ilə həyata keçirilən qlobal layihələrə toxunan qonaq bildirib ki, "Cənub Qaz Dəhlizi” kimi layihələr dünyada enerji təhlükəsizliyinə mühüm töhfə verir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video