10 Oktyabr 2018 15:51
418
DÜNYA
A- A+

Barselonada möhtəşəm məscid tikiləcək


Avropa və Asiyanın müsəlman icmalarının liderləri Barselonada böyük məscid inşa edilməsi barədə planları müzakirə ediblər.
AZƏRTAC xəbər verir ki, Kataloniyanın paytaxtında Avropa Müsəlman Forumu keçirilib. Tədbirdə İtaliya, İspaniya, Fransa, İngiltərə, Serbiya, Polşa və Litvanın müsəlman birliklərinin nümayəndələri iştirak ediblər. İslam dinini müxtəlif aspektlərdə təmsil edən bu platforma, o cümlədən məscidlər tikintisi üzrə müxtəlif tədbirlər və layihələr həyata keçirir. Təşkilat Avropada və Asiyada bir neçə ofis açmağı planlaşdırır. Həmin ofislərdən birincisi Barselonada yerləşəcək.
Təşkilatın rəhbərliyi bildirir ki, Kataloniya paytaxtında İspaniyanın ən böyük müsəlman icması cəmləşib, lakin indiyə qədər bu şəhərdə bircə normal məscid də yoxdur.
Barselonadakı ofis mədəni tədbirlər təşkil edilməsi, müxtəlif müəssisələr ilə qarşılıqlı fəaliyyət, ilk növbədə miqrantların dəstəklənməsinə yönəlmiş sosial layihələrlə məşğul olacaq.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video