Ücretsiz php script indir film izle hd film izle aksiyon filmi izle Backlink satış Hacklink satış

Alternative content

08:55 16 Oktyabr 2018
ONLINE XƏBƏR LENTİ
02:31 16.10.2018 Bir rayonda iki mənzərə
02:27 16.10.2018 Nə yeyiriksə, oyuq
02:19 16.10.2018 Dövrün salnaməsi
02:17 16.10.2018 Vəzirzadə Nəcəf Bəy
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Bakıda II Robot Olimpiadası keçirilir
Bakıda II Robot Olimpiadası keçirilir
ANA SƏHİFƏ / CƏMİYYƏT
21:03 06.10.2018

Azərbaycan Respublikası Gənclər və İdman Nazirliyinin dəstəyi, Azərbaycan Robototexnika Mühəndisliyi Akademiyasının və "Gənclərin Təhsil, Təlim, Peşə və İnkişaf Mərkəzi” İctimai Birliyinin təşkilatçılığı ilə oktyabrın 6-da Bakı İdman Sarayında II Robot Olimpiadası keçirilir.

AZƏRTAC xəbər verir ki, olimpiadanın açılış mərasimində çıxış edən gənclər və idman nazirinin müavini İntiqam Babayev Robot Olimpiadasının gənclərin kompüter biliklərinə marağını daha da artırdığını bildirib. Azərbaycanda istedadlı gənclərin üzə çıxarılması istiqamətində görülən işlərdən danışan İ.Babayev qeyd edib ki, ötən illə müqayisədə Robot Olimpiadasına qatılan komandaların, həm də tədris müəssisələrinin artması gənclərin bu yarışa böyük həvəs göstərməsinin nəticəsidir. "Əminəm ki, gələcək illərdə bu say daha da artacaq və Robot Olimpiadasının keçirilməsi ölkəmizdə bu sahənin inkişafına, gənclərin həvəsləndirilməsinə töhfə verəcək”, - deyə nazir müavini vurğulayıb.

Bildirilib ki, 8-19 yaşlı yeniyetmə və gənclərin iştirak etdiyi olimpiadada 20 təhsil müəssisəsindən 54 komanda yarışır. Yarışlar 4 kateqoriya üzrə keçirilir və yekunda qalib komandalar noyabrın 16-18-də Tailandda keçiriləcək Dünya Robot Olimpiadasında iştirak hüququ qazanacaq.

Yarış çərçivəsində hazırlanan, eləcə də Yaponiya istehsalı olan robotlardan ibarət sərgiyə baxış keçirildikdən sonra komandalar arasında mübarizəyə start verilib. Olimpiadanın qalibləri günün sonunda məlum olacaq.

Qeyd edək ki, dünyanın ən böyük robototexnika yarışı olan Dünya Robot Olimpiadası 2004-cü ildən etibarən hər il fərqli mövzular üzrə müxtəlif ölkələrdə keçirilir. İlk dəfə Sinqapurda keçirilən olimpiadaya 12 ölkə qatılsa da, iştirakçı ölkələrin sayı artıq 70-i keçib.

Azərbaycanda gənclərin elmi-texniki biliklərinin inkişaf etdirilməsinə göstərilən xüsusi diqqət nəticəsində ötən il oktyabrın 7-də Gənclər və İdman Nazirliyinin dəstəyi, Azərbaycan Robototexnika Mühəndisliyi Akademiyasının və "Gənclərin Təhsil, Təlim, Peşə və İnkişaf Mərkəzi” İctimai Birliyinin təşkilatçılığı ilə Dünya Robot Olimpiadasının Azərbaycan üzrə ilk seçim yarışı keçirilib. Həmin yarışda 8 təhsil müəssisəsindən 22 komanda iştirak edib. Yarışda müxtəlif kateqoriyalar üzrə qalib gələn komandalar Dünya Robot Olimpiadasının noyabrın 10-12-də Kosta-Rikada keçirilən final mərhələsində iştirak hüququ əldə edib. Beləliklə, Azərbaycan ilk dəfə Dünya Robot Olimpiadasının finalında təmsil olunub. Azərbaycan komandası olimpiadanın finalına Gənclər və İdman Nazirliyinin dəstəyi ilə qatılıb. Dünya Robot Olimpiadasında ilk dəfə iştirak etməsinə baxmayaraq, Azərbaycan 71 ölkə arasında 17-ci pillədə qərarlaşıb.

Xatırladaq ki, Azərbaycan 2017-ci ilin sonunda Dünya Robot Olimpiadasının həqiqi üzvlüyünə qəbul edilib.