02 Oktyabr 2018 21:50
632
İDMAN
A- A+

Batumi-2018: Azərbaycanın qadın şahmatçıları Gürcüstan komandasına qalib gəliblər


Gürcüstanın Batumi şəhərində keçirilən 43-cü Ümumdünya Şahmat Olimpiadasının VIII turunda qadınlardan ibarət Azərbaycan millisi Gürcüstan yığması ilə qarşılaşıb.
AZƏRTAC xəbər verir ki, görüş Azərbaycan komandasının qələbəsi ilə başa çatıb - 2,5:1,5.
Şahmatçılarımızdan Günay Məmmədzadə Salome Meliyaya, Xanım Balacayeva Sofio Qvetadzeyə
qalib gəliblər. Gülnar Məmmədova Sopiko Xuxaşvili ilə görüşü heç-heçə başa vurub. Zeynəb Məmmədyarova isə İnqa Çarxalaşvili ilə qarşılaşmada məğlub olub. Bu nəticədən sonra qadınlardan ibarət milli komandamız xallarının sayını 13-ə çatdırıb və beşinci pillədə qərarlaşıb. Qadınların yarışında hər birinin 14 xalı olan Çin və Ukrayna yığmaları birinci, ikinci yerləri bölüşürlər. Üçüncü pilləni 13 xalla ABŞ millisi tutur.
ABŞ yığması ilə qarşılaşan kişilərdən ibarət Azərbaycan millisi isə rəqibinə məğlub olub – 1,5: 2,5.
Qarşılaşmada Teymur Rəcəbov Uesli Soya qalib gəlib. Şəhriyar Məmmədyarov Fabiano Karuanaya məğlub olub. Arkadi Naydiç Hikaru Nakamura ilə heç-heçə edərək xalları yarı bölüb. Rauf Məmmədov - Samuel Şanklend görüşündə rəqib üstün olub.
Beləliklə, səkkiz turdan sonra xallarının sayını 15-ə çatdıran ABŞ komandası olimpiadada liderlik edirlər. Polşa yığması 14 xalla ikinci, Azərbaycan komandası isə 13 xalla üçüncüdür.
Ümumdünya Şahmat Olimpiadası oktyabrın 5-də başa çatacaq.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video