Ücretsiz php script indir film izle hd film izle aksiyon filmi izle Backlink satış Hacklink satış

Alternative content

08:56 16 Oktyabr 2018
ONLINE XƏBƏR LENTİ
02:31 16.10.2018 Bir rayonda iki mənzərə
02:27 16.10.2018 Nə yeyiriksə, oyuq
02:19 16.10.2018 Dövrün salnaməsi
02:17 16.10.2018 Vəzirzadə Nəcəf Bəy
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Şahmat dünyasının “Şah”ı
Şahmat dünyasının “Şah”ı
ANA SƏHİFƏ / İDMAN
01:02 02.10.2018


Dünyanın ən güclü üç şahmatçısından biri azərbaycanlıdır


Bu günlərdə kişi şahmatçılarımız Gürcüstanın Batumi şəhərində davam edən Ümumdünya Şahmat Olimpiadasında uğurla çıxış edərək tarixi qələbələrə imza atırlar.

Turnirin ən yaddaqalan hadisələrindən biri sözsüz ki, komandamızın Ermənistan üzərində möhtəşəm qələbəsi oldu. Yığmamızın heyətində liderlik keyfiyyəti ilə seçilən Şəhriyar Məmmədyarov Levon Aronyanı məğlub etməklə qələbədə ən böyük pay sahiblərindən biri oldu.

Ümumiyyətlə qeyd edək ki, Şəhriyar Məmmədyarov nümayiş etdirdiyi oyunlarla, qazandığı qələbələrlə hər zaman diqqət mərkəzində olub. Hazırda Beynəlxalq Şahmat Federasiyasının (FİDE) reytinq siyahısında dünyanın ən güclü 100 şahmatçısı sırasında ilk 3-lükdə yer alan Şəhriyar bir sıra beynəlxalq turnirlərdə, fərdi yarışlarda yüksək nəticələr göstərməklə planetin ən güclü şahmatçıları sırasına daxil olub.

Dünyada 20 yaşadək şahmatçılar arasında yeganə ikiqat dünya çempionu tituluna sahib olan Şəhriyarın, eyni zamanda yığmamızın 2009-cu ildə Serbiyada, 2013-cü ildə Polşada və 2017-ci ildə Yunanıstanda təşkil olunan Avropa çempionatlarında qızıl medal qazanmasında xüsusi xidmətləri olmuşdu.

Onu da xüsusi olaraq vurğulayaq ki, 2001-ci ildə 18 yaşadək şahmatçıların Avropa çempionatında 11 xaldan 10-nu qazanaraq rekorda imza atan Ş.Məmmədyarov eyni zamanda 2017-ci ilin may ayında dünya şahmat tarixində 2800 Elo reytinq balını keçmiş ilk müsəlman idmançı kimi də tarixə düşüb.

Şahmat aləmində "Şah” ləqəbi ilə tanınan beynəlxalq qrossmeysterimiz son aylarda dünya çempionu Maqnus Karlsen üzərində qələbə qazanaraq İsveçrənin Bil şəhərindəki Beynəlxalq Şahmat Festivalı çərçivəsində yarışın qalibi olmuş, ABŞ-ın Sent-Luis şəhərində keçirilmiş superturnirdə rapiddə qələbə qazanmışdır.


Elçin CƏFƏROV,

"Azərbaycan”