Ən çox rast gəlinən beş diş problemi
Diş və damaq problemləri həyat keyfiyyətini aşağı salan xəstəliklər sırasındadır. Bu problemlərin nəticəsi olaraq mədə-bağırsaq sistemində və digər orqanlarda müxtəlif xəstəliklər yarana bilər. Diş əti problemləri haqqında məlumatlandıqda onların qarşısını almaq daha asan olur.
Kariyes
Bu problemlə insanların 95 faizi üzləşir. Dişin sümük toxumasının müxtəlif mikroblar tərəfindən zədələnməsi kariyesdir. Bu problem müxtəlif səbəblər nəticəsində baş verə bilər. Kariyes diş ərpi olan yerdə (dişlərin arasında, diş ilə damaq arasında, diş səthindəki yuvacıqlarda) inkişaf edir. Problemin yaranmasında yediyimiz qidalar, irsilik, mikroorqanizmlər, tüpürcəyin tərkibi və ağız boşluğunun gigiyena qaydalarının pozulması da böyük rol oynayır. Dişin güclü zədələnməsi nəticəsində isti, soyuq və şirin qidalar yedikdə güclü ağrı hiss olunur.
Pulpit
Pulpit bir çox amillərin təsiri nəticəsində yaranan diş pulpasının iltihabıdır. Xəstəlik əsasən müxtəlif yollarla pulpaya daxil olmuş mikroorqanizmlər tərəfindən törədilir. Problemin əsas simptomları ağrıdır: əlavə qıcıqlandırıcıların təsiri olmadan öz-özünə (spontan) başlayan, gecə yaranan, güclənə və arabir kəsən, lokallaşan və ya irradiasiya edən, xarici qıcıqların (temperatur, mexaniki və kimyəvi qıcıqlar) təsirindən əmələ gələn və uzun müddət davam edən, sızıldayan, küt sancılı və digər ağrılar. Bu xəstəliyin kəskin və xroniki növləri var. Xroniki pulpit simptomsuz davam edir və onu ancaq rentgen vasitəsilə aşkar etmək olar. Kəskin pulpiti isə hiss etməmək mümkün deyil. Belə ki, problem əsasən gecələr yaranan çox güclü ağrılarla davam edir.
Periodontit
Periodontit diş və onun sümük qundağı arasındakı ensiz boşluğu dolduran birləşdirici toxumanın iltihabıdır. Xəstəliyin kəskin və xroniki növü var. Xroniki periodontitə nadir hallarda rast gəlinir və iltihabın olmasına baxmayaraq uzun müddət əlamətsiz davam edə bilər. Xəstəliyin kəskin növü isə əsasən sızıldayan və çeynəyərkən kəskinləşən ağrılarla müşahidə edilir. Problem səbəbindən diş ətində şişliklər də əmələ gələ bilər.
Gingivit
Gingivit–damağın selikli qişasının iltihabi prosesidir. Bu, dişi əhatə edən hissənin yetərincə yayılmış xəstəliyidir. Problemə yeniyetmələrdə, 30 yaşadək gənclərdə və hamilələrdə daha çox rast gəlinir. Bu kateqoriya insanlarda xəstəlik adətən daha ağır keçir. Belə ki, onların bədənində hormonal dəyişikliklər baş verir. Gingivit müalicə olunmadıqda inkişaf edir və daha ağır fəsadlarla nəticələnə bilər. Problem paradontit və ya dişlərin tökülməsinə də səbəb ola bilər. Xəstəlik vitamin çatışmazlığı, həzm sistemi xəstəlikləri, immunitetin zəifləməsi kimi səbəblərdən yarana bilər.
Paradontit
Paradontit-damaq iltihabı, vaxtından əvvəl dişlərin itirilməsinə səbəb olan xəstəlikdir. Statistikaya əsasən 35 yaşdan yuxarı insanların 90 faizində bu xəstəliyə rast gəlmək olar. İlkin mərhələdə ağrı olmadığına görə xəstəlik özünü bildirmir. Lakin xəstəliyin bir sıra simptomları var: diş fırçalama zamanı damağın qanaması, qızarmış, şişkin, ağrılı, həssas diş əti, dış kökünün açılması, ağız qoxusu, diş aralarında əmələ gələn irin, dişlərin laxlaması, çeynəmə zamanı dişin hərəkətliyi.
Diş problemlərinin əsas profilaktikası mütəmadi olaraq stomatoloq qəbulunda olmaq və rentgen diaqnostikasından keçmək.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
“SpaceX” qlobal internet şəbəkəsinə aid daha 22 peyki orbitə çıxarıb
19 Mart
Qazaxıstan Xəzər dənizində hərbi təlimlər keçirib
19 Mart
Ədliyyə naziri Saatlıda vətəndaşları qəbul edib
19 Mart
Hərbi Prokurorluq işçiləri Müdafiə Nazirliyinin yüksəkrütbəli vəzifəli şəxsləri ilə birgə Novruz bay...
19 Mart
Türkiyədə fəlakət zonasındakı sakinlər hər ay 15 min evlə təmin ediləcək
19 Mart
Ölkənin əksər bölgələrinə yağış, dağlıq rayonlara qar yağıb
19 Mart
Azərbaycan nefti bahalaşıb
19 Mart
Sabahdan Azərbaycanda 7 günlük Novruz tətili başlayır
19 Mart
Mövcud hava şəraiti ilə bağlı sürücülərə müraciət edilib
19 Mart
Braziliyada hiss edilən temperatur 62 dərəcə Selsini keçib
19 Mart
DİQQƏT ÇƏKƏNLƏR
Dostluqdan müttəfiqliyə14 Mart 2024
Azərbaycan islamofobiya ilə mübarizədə öndə gedir12 Mart 2024
Prezident İlham Əliyev və Prezident Kasım-Jomart Tokayev mətbuata bəyanatlarla çıxış ediblər YENİLƏN...11 Mart 2024
Mərhəmətin zərif rəmzi08 Mart 2024
Yüksək beynəlxalq etimadın növbəti nümunəsi07 Mart 2024
ÇOX OXUNANLAR
Hücum diplomatiyasından hücum taktikasına14 Mart 2024
Azərbaycan və Qazaxıstan enerji sahəsində də birgə addımlayır13 Mart 2024
Kasım-Jomart Tokayev: Qazaxıstan və Azərbaycan əməkdaşlığın yeni dövrünə qədəm qoyur10 Mart 2024
Azərbaycan beynəlxalq "yaşıl enerji" mərkəzinə çevrilir10 Mart 2024
Xoşbəxt qadın güclü cəmiyyətin təməlidir08 Mart 2024
Albaniya Azərbaycanın dəstəyini yüksək dəyərləndirir06 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!