22 Sentyabr 2018 14:55
1020
PARLAMENT
A- A+

Milli Məclisdə Azərbaycan-Oman əlaqələrinin inkişafı məsələləri müzakirə edilib


Sentyabrın 22-də Azərbaycan Respublikası Milli Məclisinin sədri Oqtay Əsədov ölkəmizdə səfərdə olan Oman Sultanlığı Dövlət Şurasının sədri Yəhya bin Məhfuz Əl-Munzirinin başçılıq etdiyi nümayəndə heyəti ilə görüşüb.

AZƏRTAC xəbər verir ki, görüşdə ölkələrimiz arasında əməkdaşlığın inkişafına dair fikir mübadiləsi aparılıb.

Oqtay Əsədov bildirib ki, Oman Sultanlığı Dövlət Şurası sədrinin səfəri ölkələrimiz və parlamentlərimiz arasında əlaqələrin daha da dərinləşməsinə imkan yaradacaq. Yaxın vaxtlarda Milli Məclisdə Omanla parlamentlərarası əlaqələr üzrə işçı qrupu formalaşdırılacaq.

Azərbaycan parlamentinin 100 illiyinə həsr olunan tədbirin yüksək səviyyədə keçirildiyini deyən Yəhya bin Məhfuz Əl-Munziri xalqımızın qonaqpərvərliyinin onlarda gözəl təəssürat yaratdığını söyləyib. Qonaq bildirib ki, iki ölkə arasında əlaqələr yaxşı səviyyədədir. Yüksək səviyyəli rəsmilər arasında keçirilən bir sıra görüşlər zamanı ticari-iqtisadi və digər sahələrdə əlaqələrin inkişafı məsələləri müzakirə olunub. O, əmin olduğunu bildirib ki, qarşılıqlı səfərlər Oman və Azərbaycan arasındakı münasibətlərin genişlənməsinə zəmin yaradacaq.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video