20 Sentyabr 2018 21:17
202
SİYASƏT
A- A+

“Opinion Internationale”: Dağlıq Qarabağ münaqişəsinin həll edilməsinin vaxtıdır


Fransanın "Opinion Internationale” portalında "Dağlıq Qarabağ münaqişəsinin həll edilməsinin vaxtıdır” adlı məqalə yayılıb.

AZƏRTAC xəbər verir ki, məqalədə Azərbaycanın demokratik institutların və düşüncə tərzinin mövcud olduğu, davamlı inkişaf edən ölkə olduğu vurğulanır. Azərbaycanda müxtəlif dini konfessiyaların və millətlərin nümayəndələrinə bərabər imkanlar yaradıldığı və onların bütün hüquqlardan yararlandığı diqqətə çatdırılır.

Bildirilir ki, Azərbaycanı daha çox narahat edən Dağlıq Qarabağ münaqişəsi ilə bağlı beynəlxalq hüquqa riayət edilməməsidir. Beynəlxalq hüquq Azərbaycanın tərəfindədir, beynəlxalq qətnamələrdə Azərbaycanın tarixi ərazılərinin işğalı dəfələrlə pislənilib.

Qeyd edilir ki, yüzilliklər ərzində müxtəlif regionlardan köçürülmələr nəticəsində etnik disbalansa məruz qalan və məhz buna görə əhalisinin əksəriyyətini ermənilər təşkil edən Dağlıq Qarabağda Ermənistanın dəstəyi ilə separatçı rejim fəaliyyət göstərsə də, bu ərazilər beynəlxalq səviyyədə Azərbaycanın ayrılmaz tərkib hissəsi kimi tanınır. BMT Təhlükəsizlik Şurasının 822 (1993), 853 (1993), 874 (1993) və 884 (1993) saylı qətnamələrində və BMT Baş Assambleyasının 62/243 (2008) saylı qətnaməsində Ermənistanın işğalçı qoşunlarının Azərbaycan ərazilərindən dərhal, tam və qeyd-şərtsiz çıxması tələb edilir. Ancaq bu qətnamələr hələ də tətbiq edilməyib.

Məqalədə bildirilir ki, Azərbaycanın təkcə Dağlıq Qarabağ regionu deyil, həmçinin onun ətrafındakı 7 rayon da işğala məruz qalıb. İşğal altında olan ərazilərdə etnik təmizləmə aparılıb.

Vurğulanır ki, münaqişənin həlli üçün ATƏT-in Minsk qrupunun vasitəçiliyi ilə danışıqlar aparılsa da, irəliləyiş yoxdur və Azərbaycan əraziləri Ermənistan silahlı qüvvələrinin işğalı altında qalmaqda davam edir. Beynəlxalq hüquq normalarının pozulması regional təhlükəsizlik və sabitlik üçün təhdid yaradır. Azərbaycanın işğal olunmuş ərazilərindən didərgin salınmış əhalinin öz doğma evlərinə qayıtması kimi ayrılmaz hüququ bu müddət ərzində tapdalanır.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video