19 Sentyabr 2018 21:41
607
İDMAN
A- A+

Ümumdünya Şahmat Olimpiadası: Gürcüstan estafeti Azərbaycandan qəbul edir


Sentyabrın 23-də Gürcüstanın Acarıstan Muxtar Respublikasının Batumi şəhərində 43-cü Ümumdünya Şahmat Olimpiadası başlayacaq.

Gürcüstan Şahmat Federasiyasının prezidenti Georgi Georqadze AZƏRTAC-a bildirib ki, şahmat olimpiadasına 185 kişi və 151 qadın komandası qatılacaq. Olimpiadada ABŞ, Azərbaycan, Çin, Rusiya, Hindistan, Ukrayna, Fransa, Ermənistan, İngiltərə və İsrail yığma komandaları mübarizə aparacaq. Yarışlar oktyabrın 5-dək davam edəcək.

G.Georqadze deyib ki, Gürcüstan 2014-cü ildə Kanadanın Toronto şəhərində FIDE-nin Baş Assambleyasında 93 səs çoxluğu ilə Cənubi Afrika Respublikasının Durban şəhərini (58 səs) üstələyərək 43-cü olimpiadanın Batumidə keçirilməsinə nail olub.

Xatırladaq ki, 42-ci Ümumdünya Şahmat Olimpiadası Bakıda keçirilib və Gürcüstan estafeti Azərbaycandan qəbul edir.

Bunu ölkəsi üçün çox önəmli, qürurverici və əlamətdar hadisə adlandıran federasiya prezidenti bildirib ki, olimpiadada 189 ölkədən 4 minə yaxın idmançının və qonağın iştirakı gözlənilir.
Olimpiadanın rəsmi sponsoru SOCAR-dır.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video