15 Sentyabr 2018 01:55
655
SİYASƏT
A- A+

“Azərbaycan” bütün dövrlərin ən populyar və oxunaqlı qəzetidir


Vüqar GÜLMƏMMƏDOV,

Azərbaycan Respublikasının Hesablama Palatasının sədri


Azərbaycan Respublikası Milli Məclisinin deputatı,

"Azərbaycan” qəzetinin baş redaktoru

cənab Bəxtiyar Sadıqova


Hörmətli Bəxtiyar müəllim!

"Azərbaycan” qəzetinin 100 illik yubileyi münasibəti ilə qəzetin kollektivini və şəxsən Sizi ürəkdən təbrik edir, ən səmimi hisslərimi, xoş arzularımı və ehtiramımı bildirirəm.

Ötən 100 il Şərqdə ilk demokratik dövlət olan Azərbaycan Xalq Cümhuriyyəti hökumətinin qərarı ilə 1918-ci il sentyabr ayının 15-də ilk nömrəsi çapdan çıxan, Azərbaycan Xalq Cümhuriyyətinin yaşıdı və inkişafının şahidi olan, onunla eyni taleyi yaşamış "Azərbaycan” qəzetinin nəşri dövründə günbəgün onun səhifələrində öz əksini tapmışdır.

Bütün bu, bəzən ölkəmiz üçün çox mürəkkəb onilliklər ərzində yüz minlərlə oxucuya "Azərbaycan” qəzeti əsas və nüfuzlu informasiya mənbəyi olmuşdur.

Dövlət ideologiyasını təbliğ edən, rəsmi dövlət qəzeti statusunu qazanmış, siyasət, iqtisadiyyat, təhsil məsələlərindən, paytaxtda və ucqar regionlarda sosial-mədəni, sosial təminat, bank və pensiya məsələlərindən tutmuş, bütün mövzularda yazan "Azərbaycan” qəzeti ölkənin ən kütləvi qəzetidir.

Görünüşü və dizaynı dəyişsə də, işə məsuliyyəti, səriştəsi, yüksək jurnalist mədəniyyəti və etikası dəyişməz qalan qəzetin əməkdaşlarının respublikanın həyatında baş verən mühüm hadisələrə canıyananlıqla, vətən qarşısında borcuna peşəkarlıqla xidməti "Azərbaycan”ı fərqləndirən əsas meyardır.

Qəzet öz inkişafı boyu nəsil-nəsil peşəkar jurnalistlər yetişdirmiş, mühüm və dəqiq məlumat mənbəyi olmaqla yanaşı, həm də ölkədə obyektiv informasiya mühitinin yaranmasına töhfə vermişdir.

"Azərbaycan” qəzetində, rəsmi dövlət qəzetində belə yazılıb” - bu cümlə, hər hansı problemin həlli üçün müxtəlif instansiyalara müraciət edən vətəndaşların ən əsas arqumentidir.

Bütöv bir əsr boyu bütün dövrlərin ən populyar və oxunaqlı qəzeti olan "Azərbaycan” qəzetində ölkədə görülən işlər və qarşıda duran vəzifələr barədə ciddi analitik, həm də publisistik yazılar, məqalə, reportaj, müsahibə və xəbərlər ölkə vətəndaşlarına düzgün məlumat çatdırmaqla yerlərdə ictimai rəyin formalaşmasında aktiv rol oynayır, ölkəmizi dəyişməyə, inkişaf etməyə, daha da gözəlləşdirməyə kömək edir.

Hörmətli Bəxtiyar müəllim!

Sizi və "Azərbaycan” qəzetinin bütün əməkdaşlarını bu əlamətdar gün münasibətilə bir daha ürəkdən təbrik edir, uzun ömür, möhkəm cansağlığı, gələcək fəaliyyətinizdə yeni-yeni uğurlar arzulayıram.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video