13 Sentyabr 2018 20:17
601
Mədəniyyət
A- A+

İndoneziya ilə Azərbaycan arasında mədəni əlaqələr genişlənir


Ölkəmizdə səfərdə olan İndoneziyanın mədəniyyət və təhsil naziri Mühacir Əfəndi sentyabrın 13-də mədəniyyət naziri Əbülfəs Qarayev ilə görüşüb.

AZƏRTAC xəbər verir ki, Ə.Qarayev iki ölkə arasındakı əlaqələrin inkişafından danışıb.

Nazir iki ölkə arasında bütün istiqamətlərdə olduğu kimi mədəniyyət sahəsində də əlaqələrin inkişaf etdiyini vurğulayıb. Bildirilib ki, İndoneziya səfirliyi son illərdə ölkəmizdə müxtəlif mədəniyyət festivalları keçirir, tədbirlər təşkil edir. Bu da xalqlarımız arasında mədəni əlaqələrin güclənməsinə müsbət təsir göstərir.

Ə.Qarayev Azərbaycanın İslam ölkələri ilə əlaqələrə xüsusi önəm verdiyini qeyd edərək bildirib ki, bu baxımdan hər iki ölkə beynəlxalq təşkilatlarda bir-birini dəstəkləyir.

Nazir sentyabrın 11-dən 16-dək Bakıda İndoneziya mədəniyyət festivalı keçirildiyini söyləyib, mədəni əlaqələrin inkişafı baxımından bu tədbirin əhəmiyyətini yüksək dəyərləndirib.

Ə.Qarayev ölkələrimiz arasında münasibətlərin gələcəkdə daha da inkişaf edəcəyinə əminliyini bildirib.

Ölkəmizdə olmaqdan məmnunluğunu ifadə edən M.Əfəndi ölkəsinin Azərbaycanla əlaqələrin inkişafında maraqlı olduğunu vurğulayıb.

Ölkələrimiz arasındakı əlaqələrdən bəhs edən indoneziyalı nazir münasibətlərin son illərdə daha da inkişaf etdiyini diqqətə çatdırıb.

M.Əfəndi İndoneziya ilə Azərbaycan arasında mövcud olan iqtisadi-ticari əlaqələrin daha da inkişaf etdirilməsinin vacibliyini vurğulayıb.

Sonda qarşılıqlı maraq doğuran bir sıra məsələlər müzakirə olunub.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video