13 Sentyabr 2018 20:14
985
PARLAMENT
A- A+

Vitalio Kanas: NATO BMT-nin Dağlıq Qarabağ münaqişəsi ilə bağlı qəbul etdiyi qətnamələri dəstəkləyir


Azərbaycan Respublikası Milli Məclisi sədrinin birinci müavini Ziyafət Əsgərov sentyabrın 13-də NATO Parlament Assambleyasının sədri Paolo Allinin başçılıq etdiyi nümayəndə heyəti ilə görüşüb.

AZƏRTAC xəbər verir ki, Ziyafət Əsgərov Azərbaycan ilə NATO arasında çox yaxşı əlaqələrin olduğunu və bu münasibətlərin yüksələn xətlə inkişaf etdiyini söyləyib. O, NATO Parlament Assambleyasının iqtisadiyyat və təhlükəsizlik komitəsinin keçid və inkişaf alt-komitəsinin iclasının ölkəmizdə keçirilməsinin əlaqələrin möhkəmlənməsinə töhfə verəcəyinə əminliyini ifadə edib.

Milli Məclis sədrinin birinci müavini diqqətə çatdırıb ki, Azərbaycan müstəqilliyini bərpa etdikdən sonra Qərb institutları ilə əməkdaşlığa çox böyük əhəmiyyət verir. Azərbaycanın Avropanın enerji təhlükəsizliyində yaxından iştirak etdiyini qeyd edən Ziyafət Əsgərov ölkəmizin iştirakı ilə həyata keçirilən enerji layihələri barədə danışıb, onların əhəmiyyətini xüsusi qeyd edib. O, ölkəmizin Qərb ilə Şərq arasında dəmir yolunun inkişafına xüsusi diqqət yetirdiyini deyib.

Ermənistan-Azərbaycan Dağlıq Qarabağ münaqişəsi barədə ətraflı məlumat verən Z.Əsgərov Azərbaycan torpaqlarının 20 faizinin Ermənistan silahlı qüvvələri tərəfindən işğal olunduğunu, bir milyondan çox insanın doğma yurd-yuvalarından didərgin düşdüyünü diqqətə çatdırıb. Qeyd edib ki, Ermənistan BMT Təhlükəsizlik Şurasının, Avropa Şurasının və digər beynəlxalq təşkilatların qəbul etdikləri qətnamə və qərarlara məhəl qoymur. Z.Əsgərov NATO PA-nın qərar və qətnamələrində Azərbaycanın ərazi bütövlüyü ilə əlaqədar bir daha öz fikrini söyləməsinin əhəmiyyətini vurğulayıb.

NATO Parlament Assambleyasının sədri Paolo Alli Azərbaycana səfərindən məmnunluğunu qeyd edib, səfər çərçivəsində səmərəli görüşlər keçirdiyini vurğulayıb.

NATO Parlament Assambleyasının sədrinin müavini Vitalio Kanas NATO ilə Azərbaycan arasındakı əməkdaşlığın daha da möhkəmləndirilməsinin vacibliyini vurğulayıb. O bildirib ki, Azərbaycanın Avratlantik təşkilatlarla əlaqələrinin genişləndirilməsi parlamentlərarası münasibətlərin də inkişafına təkan verəcək.

Vitalio Kanas deyib ki, NATO BMT-nin Ermənistan-Azərbaycan Dağlıq Qarabağ münaqişəsi ilə bağlı qəbul etdiyi qətnamələri dəstəkləyir.

Görüş qarşılıqlı maraq doğuran məsələlərin müzakirəsi ilə davam etdirilib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video