12 Sentyabr 2018 23:56
767
Təhsil
A- A+

Məhəbbət Vəliyeva: Məktəb forması ilə bağlı valideyn qarşısında tələb qoyulması tamamilə qanunsuz davranışdır

İstər məktəbli forması, istərsə də məktəb ləvazimatlarının əldə olunması ilə bağlı məktəb direktorunun və ya təhsil müəssisəsində çalışan digər işçinin valideyn qarşısında tələb qoyması tamamilə qanunsuz davranışdır.

AZƏRTAC xəbər verir ki, bunu təhsil nazirinin müavini, Bakı Şəhəri üzrə Təhsil İdarəsinin (BŞTİ) müdiri vəzifəsini icra edən Məhəbbət Vəliyeva sentyabrın 12-də jurnalistlərə açıqlamasında deyib.

Onun sözlərinə görə, BŞTİ-yə bu kimi məlumatlar daxil olduqda müvafiq addımlar atılır. M.Vəliyeva deyib: "Heç bir direktorun əlində əsas yoxdur ki, valideyni bu və ya digər məktəbli formasını almağa məcbur etsin. Sadəcə olaraq, məktəblərin ümumi nizamnaməsinə görə şagirdlər məktəbə formada gəlməlidirlər”.

Məktəbli formasının təhsil müəssisəsi tərəfindən müəyyənləşdirildiyini bildirən nazir müavini deyib: "Valideynlərə bu formanı sərbəst seçmək imkanı yaradılmalıdır. İstər məktəbli formasının, istərsə də digər məktəb ləvazimatlarının alınmasında valideynlərə qarşı məcburiyyət tətbiq olunarsa, onlar bu barədə Təhsil Nazirliyinin "qaynar xətt” xidmətinə, yaxud da BŞTİ-yə müraciət etsinlər”.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video