Alternative content

03:12 21 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Təhsil naziri: Azərbaycanda vaxtında məktəbə getməmək əmsalı 2012-ci illə müqayisədə iki dəfə azalıb
Təhsil naziri: Azərbaycanda vaxtında məktəbə getməmək əmsalı 2012-ci illə müqayisədə iki dəfə azalıb
ANA SƏHİFƏ / Təhsil
19:58 12.09.2018

Azərbaycanda vaxtında məktəbə getməmək əmsalı 2012-ci illə müqayisədə iki dəfə azalıb. Belə ki, əgər bu göstərici 2012-ci ildə 12 faiz idisə, hazırda 6 faiz təşkil edir. Növbəti illərdə bu göstəricinin aşağı salınması istiqamətində təsirli tədbirlər görüləcək.

AZƏRTAC xəbər verir ki, bunu təhsil naziri Ceyhun Bayramov Bakı şəhəri təhsil işçilərinin ənənəvi sentyabr konfransında deyib.

Nazir bildirib ki, zəif nəticə göstərən şagirdlərin sayı da 2012-ci illə müqayisədə xeyli azalıb. Belə ki, builki qəbul imtahanlarında 2090 nəfər 500-600 bal arası nəticə göstərərək ilk sırada müəllimlik ixtisasını seçib. C.Bayramov deyib: "Bu da ötən tədris ili ilə müqayisədə 53,6 faiz çoxdur. Bütün bunlar islahatların və dəyişikliklərin aparılmasına nikbin baxılmasına əsas verir”.

Şagirdlərin dərs yükü məsələsinin daim müzakirə olunduğunu diqqətə çatdıran nazir deyib: "Bu istiqamətdə kifayət qədər intensiv iş aparılıb. Yeni məktəbdaxili qiymətləndirmə layihəsi hazırlanıb. Sabah nazirlikdə kollegiya iclası keçiriləcək və layihə orada geniş müzakirə olunacaq. Daha sonra yekun qərar qəbul edilərək aidiyyəti üzrə yerlərə göndəriləcək. Xüsusilə də ibtidai siniflərdə dərs yükünün yüngülləşdirilməsi istiqamətində ciddi addımlar atılacaq”.