Qanunvericilikdə yaşıllıqların mühafizəsinə nəzarət gücləndirilir
Sentyabrın 12-də Milli Məclisin Aqrar siyasət komitəsinin 2018-ci ilin payız sessiyasında ilk iclası keçirildi. Komitənin sədri Eldar İbrahimov həmkarlarına parlamentin payız sessiyasının işində uğurlar arzuladı.
İclasda ilk olaraq Milli Məclisin 2018-ci ilin yaz və növbədənkənar sessiyaları ərzində komitənin gördüyü işlər barədə hesabat dinlənildi. Bildirildi ki, hesabat dövründə komitənin 7 iclası keçirilib, bu iclaslarda 18 məsələ, o cümlədən 14 qanun layihəsi müzakirə edilib. Bu müddətdə komitənin ünvanına daxil olan 57 ərizə və şikayətə müvafiq qaydada baxılıb və onlardan 47-si tədbir görülməsi üçün müvafiq təşkilatlara göndərilib. Həmçinin komitədə 16 vətəndaş qəbul olunub. Yekunda komitənin fəaliyyəti qənaətbəxş qiymətləndirildi.
Eldar İbrahimov cari ilin payız sessiyası üçün komitənin iş planı barədə də məlumat verdi. Qeyd etdi ki, sessiya dövründə "Kənd təsərrüfatında sığortanın stimullaşdırılması haqqında” qanun layihəsinin müzakirəsi nəzərdə tutulur. İş planı ilə əlaqədar diqqətə çatdırıldı ki, komitədə "Yaşıllıqların mühafizəsi haqqında” qanunda dəyişiklik edilməsi barədə və "Azərbaycan Respublikasının İnzibati Xətalar Məcəlləsində dəyişiklik edilməsi haqqında” qanun layihələrinə də baxılacaq.
Daha sonra gündəlikdəki digər məsələlər - "Yaşıllıqların mühafizəsi haqqında” qanunda və İnzibati Xətalar Məcəlləsində dəyişikliklər edilməsi barədə layihələr müzakirə edildi. Komitənin üzvlərindən Tahir Süleymanov, Hüseynbala Mirələmov, Cavanşir Paşazadə, Novruzəli Aslanov layihələrlə bağlı fikirlərini bildirdilər. Müzakirədə yaşıllıqların qorunması ilə bağlı maarifləndirmə, təbliğat işlərinin genişləndirilməsi təklif olundu.
Komitə üzvləri dəyişiklikləri məqsədəmüvafiq bildilər və qanun layihələrinin Milli Məclisin plenar iclasında müzakirə olunmasını tövsiyə etdilər.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Roma Papası Ukrayna ilə bağlı danışıqlara başlamağa çağırıb
25 Aprel
İqlim dəyişmələri ilə bağlı beynəlxalq mübahisələrin sayı getdikcə artacaq
25 Aprel
Sabunçuda qızıl dükanını talayan və çətənə kolları əkən şəxslər saxlanılıblar
25 Aprel
Komitə sədri: Azərbaycanın əsas prioritetlərindən biri Türk dövlətləri ilə əlaqələrin gücləndirilməs...
25 Aprel
Bu gün dünyada dörd əlamətdar gün qeyd olunur
25 Aprel
Baş Prokurorluq Nəsib Quliyevin intiharı ilə bağlı dəqiqləşdirilməmiş xəbərlər yayan media subyektlə...
25 Aprel
Fuat Oktay: Türk dövlətlərinin bir araya gəlməsində məqsəd sülhü dəstəkləməkdir
25 Aprel
Vəkilliyə namizədlərin təntənəli andiçmə mərasimi keçirilib
25 Aprel
Çin Azərbaycan-Ermənistan münasibətlərinin normallaşması prosesindəki tərəqqini alqışlayır ...
25 Aprel
Aprelin 25-i Ümumdünya Malyariya ilə Mübarizə Günüdür
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!