Alternative content

16:00 25 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV BMT: dünyada orta hesabla doqquz insandan biri aclıq çəkir
BMT: dünyada orta hesabla doqquz insandan biri aclıq çəkir
ANA SƏHİFƏ / DÜNYA
16:17 12.09.2018

Son onillikdə aclığa qarşı mübarizədə beynəlxalq səylər ilk dəfə olaraq səmərəsiz qaldı və aclıq çəkən insanların sayı artdı.

AZƏRTAC BMT-nin Ərzaq və Kənd Təsərrüfatı Təşkilatının məlumatına istinadla xəbər verir ki, 2016-cı ildən 2017-ci ilədək planetdə aclıqdan əziyyət çəkən insanların sayı 17 milyon artaraq 804 milyondan 821 milyona çatıb. Bu məlumat təşkilatın "Dünyada ərzaq təhlükəsizliyi və qidalanma sahəsində vəziyyət - 2018” adlı məruzəsində yer alıb. Aclıq keçirən insanların sayı son üç ildə çoxalıb və keçmiş onilliklərin səviyyəsinə çatıb. Məruzədə qeyd olunur ki, 2030-cu ilədək dayanıqlı inkişafın "Sıfır aclıq” məqsədinə çatmaq üçün təcili tədbirlərin görülməsi vacibdir.

Beləliklə, Yer üzündə 7,44 milyard insanın yaşadığını nəzərə alaraq demək olar ki, orta hesabla 9 nəfərdən biri aclıq içindədir. Sənəddə göstərilib ki, Afrikada və Cənubi Amerikada ərzaq çatışmazlığı kəskin hiss olunur. Eyni zamanda, Asiyada aclığın aradan qaldırılması çox yavaşıyıb.

Tədqiqat müəllifləri bu cür dəyişiklikləri iki səbəblə - iqlim dəyişikliyi və hərbi münaqişə zonalarının genişlənməsi ilə əlaqələndirirlər.