11 Sentyabr 2018 17:01
364
DÜNYA
A- A+

Emmanuel Makronun populyarlıq reytinqi rekord minimuma enib


Fransa Prezidenti Emmanuel Makronun populyarlıq reytinqi onun prezidentliyi müddətində ən aşağı səviyyəyə enib.

AZƏRTAC Interfax informasiya agentliyinə istinadla xəbər verir ki, bu barədə məlumat "Odoxa” kompaniyasının keçirdiyi sorğunun nəticələrində əksini tapıb.

Sentyabrın 11-də dərc olunan sosioloji sorğunun yekunlarına əsasən, hazırda fransızların cəmi 29 faizi Makronun fəaliyyətindən razıdır. Bu göstərici yayın əvvəlindən bəri 12 faiz aşağı düşüb.

Sosioloqlar sentyabrın Makron üçün "qara” ay olduğunu və Yelisey sarayının sabiq əməkdaşı Aleksandr Benall ilə bağlı işin dövlət başçısına etimad səviyyəsinə nəzərəçarpacaq mənfi təsir göstərdiyini qeyd edirlər.

Xatırladaq ki, seçki kampaniyası zamanı Makronun təhlükəsizlik üzrə komandasına başçılıq edən və sonradan Yelisey sarayında işləyən Benall ətrafında qalmaqal bu ilin yay aylarında başlayıb. İyulda Fransa prokurorluğu onun barəsində ilkin təhqiqata start verib. Benall 2018-ci ilin mayında Parisdə keçirilən nümayişlər zamanı gənc oğlan və qızı döyməkdə şübhəli bilinir.

Eyni zamanda, ölkənin Baş naziri Eduar Filipin dəstək reytinqi də aşağı düşməkdə davam edir. Respondentlərin 64 faizi onun fəaliyyətini mənfi qiymətləndirir ki, bu da yayın əvvəli ilə müqayisədə 5 faiz çoxdur.

Sentyabrın 5-6-da keçirilən sorğuda mindən çox Fransa vətəndaşı iştirak edib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video