11 Sentyabr 2018 16:50
395
DÜNYA
A- A+

ABŞ Əfqanıstan, İraq və Suriyadakı əməliyyatlara 1,5 trilyon dollar xərcləyib


ABŞ-ın Əfqanıstan, İraq və Suriyadakı hərbi əməliyyatları amerikalı vergiödəyicilərinə ümumilikdə 1,501 trilyon dollara başa gəlib.
AZƏRTAC TASS informasiya agentliyinə istinadla xəbər verir ki, bu barədə məlumatı Pentaqonun məruzəsi əsasında CNBC telekanalı yayıb. Hesablamalar cari ilin mart ayının sonuna qədər olan müddəti əhatə edir.

Hərbi xərclərin böyük hissəsi İraqda keçirilən əməliyyatlara sərf olunub – təxminən 731 milyard dollar və ya ümumi məbləğin 49 faizi. Əfqanıstan müharibəsi 584,3 milyard dolara (ümumi məbləğin 39 faizi), bu ölkədə müharibənin hazırkı mərhələsi təxminən 134,3 milyard dollara başa gəlib. Ən az vəsait isə Suriyadakı kampaniyaya ayrılıb – təxminən 23,5 milyard dollar.

2001-ci ilin oktyabr ayında başlayan Əfqanıstan müharibəsi ABŞ Silahlı Qüvvələrinin bütün tarixi ərzində ən uzunmüddətli hərbi kampaniyadır. Hazırda bu ölkədə 14 min amerikalı hərbçi yerləşir. Müharibənin ən qızğın dövrünə təsadüf edən 2011-ci ildə ABŞ-ın Əfqanıstandakı hərbi kontingentinin sayı 101 min nəfər idi.

ABŞ 2003-cü ilin martında Səddam Hüseyni devirmək məqsədi ilə İraqa müdaxilə edib, 2014-cü ilin sentyabr ayında isə Suriyada İŞİD qruplaşmasını bombalamağa başlayıb. Ümumilikdə 2 milyon amerikalı əsgər və zabit Əfqanıstan və İraq müharibələrindən keçib. Rəsmi məlumatlara əsasən, Pentaqonun bu kampaniyalarda, həmçinin İŞİD qruplaşması ilə mübarizədə itkiləri 6,8 min nəfərə çatıb, 52,3 min hərbçi isə yaralanıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video