10 Sentyabr 2018 16:51
589
Təhsil
A- A+

Leonid Kalaşnikov: Rusiya-Azərbaycan münasibətlərinin daha da inkişafı üçün yaxşı perspektivlər var


Rusiya ilə Azərbaycan arasındakı münasibətlərin daha da inkişafı üçün yaxşı perspektivlər var.

AZƏRTAC xəbər verir ki, bu sözləri Rusiya Dövlət Dumasının MDB məsələləri, Avrasiya inteqrasiyası və həmvətənlərlə iş üzrə komitəsinin sədri Leonid Kalaşnikov sentyabrın 10-da "Sputnik Azərbaycan" multimedia mətbuat mərkəzi tərəfindən təşkil olunan, Azərbaycan-Rusiya münasibətlərinə həsr edilən Bakı-Moskva videokörpüsü zamanı deyib.

Leonid Kalaşnikov vurğulayıb ki, Rusiya-Azərbaycan münasibətləri geosiyasi əsas üzərində qurulub. Azərbaycanın addımları hər zaman ardıcıldır.

Ölkələrimiz arasında humanitar əlaqələrə toxunan L.Kalaşnikov deyib ki, Azərbaycanda rus dili qorunub saxlanılır. Bu ölkədə 360 məktəbdə rus dilində tədris mövcuddur.

Rusiya və Azərbaycan prezidentlərinin görüşləri haqqında danışan komitə sədri sentyabrın 1-də Soçi şəhərində imzalanmış 16 sənədin ikitərəfli münasibətlərin inkişafı baxımından əhəmiyyətini vurğulayıb.

Azərbaycan Respublikası Milli Məclisinin deputatı Rasim Musabəyov bildirib ki, Azərbaycan-Rusiya münasibətlərinin inkişafı çox önəmlidir. Ölkələrimizin siyasi, iqtisadi, mədəni, humanitar və digər sahələrdə yaxşı əlaqələri var.

Deputat vurğulayıb ki, Prezident İlham Əliyevin sentyabrın 1-də Rusiyaya səfəri, orada keçirdiyi görüşlər və aparılan danışıqlar bir daha Rusiya-Azərbaycan münasibətlərinin dərinləşməsinin aktuallığını göstərdi. Parlamentarilər də bu əməkdaşlığın inkişaf etdirilməsi üçün əlindən gələni edəcəklər. Azərbaycanla Rusiyanın tərəfdaşlığı çox praqmatikdir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video