Alternative content

18:00 22 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Pentaqon Suriyada fosfor bombalarından istifadə olunmasını təkzib edib
Pentaqon Suriyada fosfor bombalarından istifadə olunmasını təkzib edib
ANA SƏHİFƏ / DÜNYA
14:13 10.09.2018

Pentaqon ABŞ Hərbi Hava Qüvvələrinin Suriyanın Deyr-əz-Zor əyalətinə fosfor bombalarından istifadə etməklə hava zərbələri endirdiyi barədə Rusiya Müdafiə Nazirliyinin bəyanatını təkzib edib.

AZƏRTAC Interfax informasiya agentliyinə istinadla xəbər verir ki, ABŞ-ın hərbi qurumunun nümayəndəsi Şon Robertson ağ fosforlu döyüş başlıqlarının istifadəsi ilə bağlı hazırda Pentaqonda informasiyanın olmadığını bildirib. Onun sözlərinə görə, Amerika ordusunun həmin rayonda dislokasiya olunan heç bir bölməsində bu növ silah mövcud deyil.

Bir qədər əvvəl, sentyabrın 9-da Rusiyanın Suriyada bir-biri ilə düşmənçilik edən tərəfləri barışdırma mərkəzinin rəhbəri general-leytenant Vladimir Savçenko ABŞ-a məxsus F-15 təyyarələrinin Deyr-əz-Zor əyalətinin Hacin yaşayış məntəqəsinə fosfor bombaları atdığını bildirmişdi.

Qeyd edək ki, ağ fosforlu döyüş sursatlarının istifadəsi 1949-cu il Cenevrə konvensiyasının əlavə protokolu ilə qadağan olunub.