07 Sentyabr 2018 17:45
438
DÜNYA
A- A+

İran, Türkiyə və Rusiya prezidentlərinin Tehranda keçirilən zirvə görüşü başa çatıb


Sentyabrın 7-də İran, Türkiyə və Rusiya prezidentlərinin Tehranda keçirilən zirvə görüşü başa çatıb.
AZƏRTAC xəbər verir ki, zirvə görüşündən sonra hər üç prezident birgə bəyanatla çıxış ediblər.
Həsən Ruhani bildirib ki, danışıqlar müsbət nəticələnib və tərəflər bir sıra məsələlər ətrafında vahid mövqedən çıxış edəcəklər. Onun sözlərinə görə, ABŞ-ın Suriyadakı hərbi iştirakı qanunsuzdur və bunun qarşısı alınmalıdır.
Rusiya prezidenti Vladimir Putin diqqətə çatdırıb ki, Suriyanın İdlib bölgəsində təxribatlar hazırlanır. Bu da hərbi əməliyyatlara rəvac verir. Lakin hərbi əməliyyatların davam etməsi heç bir tərəfin maraqlarına uyğun deyil. V.Putin qeyd edib ki, Tehranda keçirilən görüş səmərəli olub və Suriya probleminin sülh yolu ilə həlli istiqamətində atılan əhəmiyyətli addımdır.
Türkiyə prezidenti Rəcəb Tayyib Ərdoğan isə bəyan edib ki, Suriya hökumətinin İdlib bölgəsində hərbi əməliyyatlar keçirmək niyyəti yolverilməzdir. Hərbi əməliyyat Türkiyəyə yeni qaçqın axınına səbəb olacaq. Türkiyədə 4 milyondan çox qaçqın var və onun bundan çox qaçqın qəbul etmək imkanı yoxdur. Türkiyə prezidenti münaqişənin uzun sürməsində ABŞ-ı günahlandırıb.
Qeyd edək ki, İran, Türkiyə və Rusiya prezidentlərinin növbəti zirvə görüşü Moskvada keçiriləcək.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video