jpg-1713653616.jpg)
Yengicə hamamı bərpa olunub
Abidələr hər bir xalqın tarixi yaddaşıdır. Muxtar respublika ərazisindəki tarix və mədəniyyət abidələrinin qorunması ilə yanaşı, onların bərpası da diqqətdə saxlanılır. Son illər tarixi abidələrimiz - qalalar, türbələr, məscidlər, buzxanalar və hamamlar ilkin görkəmi saxlanmaqla bərpa olunur.
Naxçıvan Muxtar Respublikası Ali Məclisinin mətbuat xidmətindən AZƏRTAC-a bildirilib ki, sentyabrın 5-də Yengicə kəndindəki qədim hamam bərpadan sonra istifadəyə verilib.
Naxçıvan Muxtar Respublikası Ali Məclisinin Sədri Vasif Talıbov bu münasibətlə keçirilən tədbirdə iştirak edib.
Ali Məclisin Sədri çıxış edərək deyib: Bu gün Yengicə kəndində tarixi abidə bərpa olunaraq istifadəyə verilir. Yengicə hamamı xalqımızın mədəniyyətinin göstəricisidir. Hamam iki əsrdən artıq bir dövrdə bu ərazidə yaşayan insanların həyat şəraiti, yaşayış səviyyəsi haqqında məlumat verir. Hamam təmizlik, sağlamlıqdır. Ona görə də vaxtilə insanların həyatına, sağlamlığına dəyər verənlər öz vəsaitləri hesabına Yengicə hamamını tikdirmiş və əhalinin istifadəsinə vermişlər. Uzun illər Yengicə və ətraf kəndlərin əhalisinə xidmət göstərən hamam bu gün tarixi abidə kimi bərpa olunmuş, içərisində xidmət sahələri yaradılmışdır.
Ali Məclisin Sədri deyib: Hər bir abidənin qorunması və bərpası xalqımızın mədəni həyatının, tarixinin qorunması və yaşadılması deməkdir. Muxtar respublikamızda tarixi abidələr bərpa olunur. Bərpa olunan bəzi abidələr isə müəyyən məqsədlər üçün istifadə edilir. Şərur rayonunun Cəlilkəndindəki qədim buzxana bərpa olunduqdan sonra orada xalçaçılıq, rəssamlıq və digər sahələr yaradılıb. Bu il Qarabağlar Türbə Kompleksi və Yengicə hamamı bərpa olunaraq istifadəyə verildi. Hazırda Qazançı körpüsündə bərpa işləri aparılır. Bütün bunlar isə qədim tariximizin müasir dövrdə yaşadılması və gələcək nəsillərə çatdırılmasına xidmət edir. Eyni zamanda, abidələrimizin bərpa olunması ölkəmizə olan marağı artırır.
Ali Məclisin Sədri Yengicə hamamını tikənlərə ehtiramını ifadə edib, abidənin bərpasında əməyi olanlara təşəkkürünü bildirib və burada fəaliyyət göstərəcək sənətkarlara uğurlar arzulayıb.
Qədim hamamda lazımi iş şəraiti ilə təmin olunan dərzi Gülbəniz Əkbərova deyib: Muxtar respublikanın hərtərəfli inkişafı Şərur rayonunu da əhatə edib. Tariximizi özündə yaşadan Yengicə hamamının bərpa olunması da bu sahədə görülən işlərin davamıdır. Mən 40 ildir dərzi işləyirəm. Lakin bu günə qədər mənzilimdə fəaliyyət göstərmişəm. Ayrıca iş yerim olmayıb. İllərdən bəri ən böyük arzum o idi ki, belə gözəl, geniş bir məkanda işləyim, evimdə şəraitsizlik üzündən öhdəsindən gələ bilmədiyim işləri iş otağımda həyata keçirim, insanlara daha keyfiyyətli xidmət göstərim. Bu gün artıq bu arzuma çatmışam. Hərtərəfli iş şəraiti və avadanlıqlarla təmin olunmuşuq. Çalışacağıq ki, yaradılan şəraitdən səmərəli istifadə edərək sakinlərə nümunəvi xidmət göstərək. Gülbəniz Əkbərova yaradılan şəraitə görə burada işlə təmin olunan sənətkarlar və peşə adamları adından Ali Məclisin Sədrinə minnətdarlıq edib.
Sonra Ali Məclisin Sədri açılışı bildirən lenti kəsib.
Məlumat verilib ki, XVIII əsrdə tikilən Yengicə hamamının quruluşu səkkizguşəli formada olub, xaricdən 2 iriölçülü günbəzlə tamamlanır. Qapı və bacaları bir qayda olaraq, yuxarıda günbəzvarı formada tamamlanır. Giriş qapısı cənubdan olan hamam dörd salondan ibarətdir.
Yengicə hamamı XX əsrin 80-ci illərinə qədər fəaliyyət göstərib. Baxımsızlıq səbəbindən dağılmaq vəziyyətində olan bu tarixi abidədə 2017-ci ilin mart ayından etibarən Naxçıvan Muxtar Respublikası Ali Məclisi Sədrinin himayəsi ilə bərpa işlərinə başlanıb. Hazırda hamamın ümumi sahəsi 420 kvadratmetrdir. Tarixi binada 7 sahə üzrə xidmət təşkil olunub. Burada 2 dərzi, qadın və kişi bərbəri, fotoqraf, papaqçı, çəkməçi və musiqi alətləri ustası olmaqla, 8 nəfər işlə təmin olunub.
Ali Məclisin Sədri Yengicə hamamının "Muzey günləri” qrafikinə daxil edilməsi, muxtar respublikada yaşayan və fəaliyyət göstərən sənətkarların qeydiyyata alınması, eləcə də onların bundan sonra da lazımi iş şəraiti ilə təmin olunması barədə müvafiq tapşırıqlar verib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
COP29 ərəfəsində "yaşıl külək"
08:40
25 Aprel
25 Aprel
"Türkiyə-Azərbaycan birliyi regional təhlükəsizliyin və sabitliyin mühüm meyarıdır"
08:35
25 Aprel
25 Aprel
Azərbaycan-Çin əlaqələri dostluğa və qarşılıqlı maraqlara söykənir
08:30
25 Aprel
25 Aprel
Sahibkarlar iqtisadi inkişafın aparıcı qüvvəsidir
08:25
25 Aprel
25 Aprel
"Delimitasiya Hayastanın xilası olacaq"
08:20
25 Aprel
25 Aprel
Sahibkarlığın bugünkü inkişafı düşünülmüş dövlət siyasətinin nəticəsidir
08:15
25 Aprel
25 Aprel
Fransanın Azərbaycanın uğurlarını seyr etməkdən başqa yolu yoxdur
08:10
25 Aprel
25 Aprel
Azərbaycan və Ermənistan arasında delimitasiya istiqamətində koordinatların dəqiqləşdirilməsi proses...
08:05
25 Aprel
25 Aprel
Tərəfdaşlıqdan strateji müttəfiqliyə
08:00
25 Aprel
25 Aprel
A.İ.İsmayılovun 3-cü dərəcəli "Vətənə xidmətə görə" ordeni ilə təltif edilməsi haqqında...
04:10
25 Aprel
25 Aprel
DİQQƏT ÇƏKƏNLƏR
10 Aprel 2024Şuşanın nurlu gecələ...
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!
Video
