05 Sentyabr 2018 21:56
315
DÜNYA
A- A+

Türkiyə-Rusiya işçi qrupu Ankarada Suriya məsələsini müzakirə edib


Türkiyə-Rusiya işçi qrupu Ankarada regional təhlükəsizlik məsələlərini və Suriyada yaranmış vəziyyəti müzakirə edib.

AZƏRTAC TASS informasiya agentliyinə istinadla xəbər verir ki, bu barədə Türkiyə Milli Müdafiə Nazirliyi bəyanat yayıb.

"Türkiyə-Rusiya işçi qrupu avqustun 31-dən sentyabrın 4-dək apardığı danışıqların gedişində Suriyadakı son vəziyyəti və regional təhlükəsizlik məsələlərini müzakirə edib. Gələcəkdə bununla bağlı müştərək fəaliyyət davam edəcək”, - deyə kommunikedə bildirilir.

Avqust ayında Türkiyə və Rusiyanın müdafiə qurumlarının rəhbərləri Hülusi Akar və Sergey Şoyqu iki dəfə görüşüb. Avqustun 17-də Moskvada keçirilən danışıqlarda nazirlər Suriyadakı humanitar vəziyyətin tezliklə nizamlanması, o cümlədən qaçqınların evlərinə qayıtması, həmçinin Türkiyə və Rusiyanın Müdafiə Nazirliklərinin ikitərəfli fəaliyyəti məsələlərini nəzərdən keçiriblər. Avqustun 24-də isə onlar və Türkiyə Milli Kəşfiyyat Təşkilatının direktoru Hakan Fidan Suriyada vəziyyətin sabitləşməsi və hər iki ölkənin hərbi-texniki əməkdaşlığı məsələlərini müzakirə ediblər.

Xatırladaq ki, sentyabrın 7-də Suriya münaqişəsinin nizamlanmasına həsr olunan üçtərəfli Türkiyə-İran-Rusiya sammiti keçiriləcək. Tehranda baş tutacaq sammit Suriya böhranının nizamlanması üzrə bu formatda keçiriləcək üçüncü görüş olacaq. Türkiyə, İran və Rusiya prezidentləri ilk dəfə ötən il noyabrın 22-də Soçi şəhərində bir araya gəlmişdilər. Bu formatda növbəti sammit isə bu il aprelin 4-də Ankarada keçirilmişdi. Onun nəticələrinə əsasən, yüksək səviyyədə görüşləri davam etdirmək niyyətini ifadə edən birgə bəyanat qəbul olunmuşdu.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video